Auglýsing

Arnar Daði Svavarsson og Gunnlaugur Árni Sveinsson, báðir úr GKG, hófu leik í dag á sterku alþjóðlegu móti sem fram fer á Lough Erne golfsvæðinu á Norður-Írlandi.

Keppt er í ýmsum aldursflokkum á þessu móti og eru íslensku keppendurnir efstir í sínum flokkum eftir fyrsta keppnisdaginn.

Arnar Daði, sem er 13 ára, er efstur í drengjaflokki 15 ára og yngri.

Gunnlaugur Árni, sem er 17 ára, er efstur í flokki pilta 19 ára og yngri.

Báðir léku þeir á 71 höggi eða pari vallar.

Mótið er boðsmót þar sem að landsmeisturum víðsvegar úr Evrópu er boðið að taka þátt. Meistaramót landsmeistara er haldið á Lough Erne vellinum sem Sir Nick Faldo hannaði.

Markmið mótshaldara er að gefa efnilegum kylfingum og landsmeisturum tækifæri til þess að upplifa stórmót á frábærum velli í keppni við jafnaldra víðsvegar úr veröldinni.

Smelltu hér fyrir rástíma, skor og úrslit frá mótinu:

author avatar
Sigurður Elvar

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ