Deildu:

Öll mót fyrir árið 2024

Dags.Mótaskrá 2024 Upplýsingar Klúbbur
Maí
19-29Vormót* ÚrslitGS
25-26Vormót* ÚrslitNK
25-26UnglingamótaröðinÚrslitGSG
26LEK mótaröðinÚrslitGR
Júní
31-2Korpubikarinn – GSÍ mótaröðinÚrslitGR
7Golf14Leirdalur og MýrinGKG
6-8UnglingamótaröðinÚrslitGKG
8LEK mótaröðinÚrslit
9LEK mótaröðinÚrslitGB
10-11HeimslistamótÚrslitGKB
14-16Íslandsmót í holukeppni kvenna – GSÍ mótaröðinUndankeppni og HolukeppniGM
15LEK mótaröðinÚrslitGSG
19Golf14GOS/GHG
20Golf14GSS
22-24Íslandsmót í holukeppni karla – GSÍ mótaröðinUndankeppni og Holukeppni GL
26-28Íslandsmót golfklúbba – stúlkur U18 – drengir U16, U18 Stúlkur og U16 Drengir og U18 DrengirGA
26-28Íslandsmót golfklúbba – stúlkur – drengir, U14Stúlkur og Drengir
GHR
27-29Íslandsmót 50 ára og eldriSkráningGKG
Júlí
30. júní-13. júlíMeistaramót golfklúbba
18-21Íslandsmótið í golfi – GSÍ mótaröðinGS
23-25Íslandsmót golfklúbba – 2. deild karlaUpplýsingarGV
25-27Íslandsmót golfklúbba – 1. deild karla UpplýsingarGA
25-27Íslandsmót golfklúbba – 1. deild kvenna UpplýsingarGHR
24-26Íslandsmót golfklúbba – 2. deild kvenna UpplýsingarFlúðir
30-31Golf14GL
30-31UnglingamótaröðinGK
Ágúst
10-11Hvaleyrarbikarinn – GSÍ mótaröðinUpplýsingarGK
11LEK mótaröðinSkráningGKG
15-16Heimslistamót
16-18Unglingamótaröðin – Íslandsmót í höggleikGM
16-18Íslandsmót golfklúbba – 3. deild karlaUpplýsingarGSG
16-18Íslandsmót golfklúbba – 4. deild karlaUpplýsingarGVS
16-18Íslandsmót golfklúbba – 5. deild karlaUpplýsingarGHH
17-18Golf14 – Íslandsmót í höggleikNK
22-24Íslandsmót golfklúbba – 50+ 1. deild kvennaUpplýsingarGHR
22-24Íslandsmót golfklúbba – 50+ 2. deild kvennaUpplýsingarGH
22-24Íslandsmót golfklúbba – 50+ 3. deild kvenna***
22-24Íslandsmót golfklúbba – 50+ 2. deild karlaUpplýsingarGV
22-24Íslandsmót golfklúbba – 50+ 3. deild karlaUpplýsingarGÞH
22-24Íslandsmót golfklúbba – 50+ 4. deild karla***UpplýsingarGBO
23-25Íslandsmót golfklúbba – 50+ 1. deild karlaUpplýsingar
24-26Unglingamótaröðin og Golf14 Íslandsmót í holukeppniGSG
30-1Íslandsmót golfklúbba – stúlkur – drengir, U12GM, GKG, GK
31-1Unglingamótaröðin
31-1Haustmót*
31LEK mótaröðinSkráningGL
September
7-8Golf14GR
7-8UnglingamótaröðinGR
15LEK mótaröðinSkráningGHR
Birt með fyrirvara um breytingar
*Gildir ekki á WAGR og telur ekki á stigalista GSÍ
***með fyrirvara um skráningu***
Skoða Mótaskrá – 2023

Spurt og svarað

Á keppnistímabilinu 2024 verða ýmsar áherslubreytingar gerðar í mótahaldi Golfsambands Íslands. Tilgangur upplýsinga síðunnar er að svara spurningum um breytingarnar – og kynna þær fyrir leikmönnum, þjálfurum, forsvarsfólki golfklúbba, foreldrum, og þeim sem hafa áhuga á mótahaldi GSÍ.

Hugmyndafræðin á bakvið breytingarnar er að aðlaga mótahaldið svo hægt sé að hlúa að þörfum hvers hóps sem best ásamt því að samræma áherslur þvert á svið GSÍ.

Útskrifað af golfþingi: Mótahald verði endurskoðað með tilliti til afreksstefnu GSÍ. 

Úr stefnu GSÍ í afreksmálum: Að lið og einstaklingar í öllum aldurshópum, sem keppa fyrir hönd Íslands, verði á verðlaunapalli í alþjóðlegum golfmótum áhugamanna.

 
 

Helsta áherslubreytingin á GSÍ mótaröðinni 2024 er að mótin sem telja á stigalista GSÍ verða fjögur talsins. Mótin eru Korpubikarinn, Hvaleyrarbikarinn, Íslandsmótið í holukeppni og Íslandsmótið í golfi. Lagt er upp með að Korpu- og Hvaleyrarbikarinn verði árleg mót á mótaröðinni.
Áhersla er lögð á að mótin á GSÍ mótaröðinni skarist sem minnst við sterk alþjóðleg áhugamannamót sem eykur líkurnar á því að okkar bestu áhugakylfingar geti tekið þátt í okkar stærstu mótum hérlendis.
Athygli er vakin á því að karlar og konur keppa ekki á sama tíma í Íslandsmótinu í holukeppni. Konurnar keppa í Mosfellsbæ um miðjan júní og karlarnir á Akranesi viku síðar. Með þessari breytingu geta fleiri keppendur tekið þátt þar sem 36 holur höggleikur sker úr um hvaða 16 keppendur keppa í útsláttarkeppni í holukeppni um Íslansmeistaratitilinn. Íslandsmótið í golfi fer fram á Hólmsvelli í Leiru hjá Golfklúbbi Suðurnesja dagana 18.-21. júlí.
Að auki verða haldin tvö vormót og eitt haustmót en þessi mót eru með meiri sveigjanleika en mótin á GSÍ mótaröðinni. Vor- og haustmótin telja ekki á stigalista GSÍ og telja ekki á heimslista áhugamanna. Mótin bjóða upp á fjölbreytileika hvað varðar fjölda þátttakenda, fjölda hola, leikfyrirkomulag o.s.fr. Þátttökugjald í mótin verða hærri og munu þeir kylfingar sem enda á meðal 25% efstu kylfinganna hljóta verðlaunafé. Eitt af markmiðunum með mótunum er að höfða til fleiri kylfinga sem hafa ekki tekið virkan þátt í mótahaldi afrekskylfinga undanfarin ár.
Jafnframt verða tvö mót haldin eingöngu fyrir kylfinga á aldrinum 19-23 ára þar sem umgjörð mótanna verður í lágmarki. Meginmarkmið mótanna sem bera nöfnin heimslistamót er að telja til stiga á heimslista áhugamanna.

Allir kylfingar sem eru undir forgjafarviðmiðum mótaraðarinnar mega taka þátt. Mótin telja til stigalista GSÍ og heimslista áhugamanna (WAGR). Mótaröðin samanstendur af fjórum stórum mótum sem eru Korpubikarinn, Íslandsmót í holukeppni, Íslandsmót í höggleik og Hvaleyrarbikarinn. Stigameistarar eru krýndir að síðasta mótinu loknu. Horft er til að hlúa að þörfum kylfinga sem eru í vinnu, til að mynda er Korpubikarinn og Hvaleyrarbikarinn leikin á laugardegi (36 holur) og sunnudegi (18 holur) og Íslandsmót í holukeppni endar á mánudegi svo sem fæstir þurfa að taka frí. Í ár var þó ekki hægt að láta Íslandsmót í holukeppni klárast á mánudegi en það er stefnan fram á við.

Keppni í karla- og kvennaflokki í Íslandsmótinu í holukeppni hefur ávallt farið fram á sama velli og á sama tíma en í ár mun kvennaflokkur leika 14.-16. júní hjá GM og karlaflokkur 22.-24. júní hjá GL. Þessi breyting stuðlar að því að okkar bestu áhugakylfingar geta bæði tekið þátt í Íslandsmótinu í holukeppni ásamt því að taka þátt í einu stærsta og virtasta áhugamannamóti heims en opna breska áhugamannamótið fer fram á sama tíma. Það mót er einnig tvískipt og breytingin leiðir af sér að það verði engin skörun. Að auki geta nú helmingi fleiri kylfingar tekið þátt í Íslandsmótinu í holukeppni. Accordion Content

Íslenskir kylfingar taka virkan þátt í sterkum alþjóðlegum golfmótum sem skarast á við mót á GSÍ mótaröðinni.
Áður fyrr voru afar fáir kylfingar sem tóku þátt í öllum mótunum sem varð til þess að keppnin um stigameistaratitlana var ekki mikil. Nú eru mótin fjögur og á tímasetningum sem skarast ekki á við alþjóðleg mót. Með þessari breytingu ættu flestir okkar bestu kylfinga að geta tekið þátt í öllum mótunum og þar af leiðandi gæti orðið mikil samkeppni um stigameistaratitlana.

Vor- og haustmót telja hvorki til heimslista áhugamanna né á stigalista GSÍ og eru þar af leiðandi mun opnari þegar kemur að holufjölda, leikfyrirkomulagi o.fl. Golfklúbbar eru framkvæmdaraðilar og útfæra mótin eins og þeir vilja. 

Unglingamótaröð GSÍ er fyrir kylfinga á aldrinum 15-18 ára sem leika í einum aldursflokki. Mótin eru 54 holur og yfirleitt 36 holur á fyrri keppnisdegi og 18 holur á seinni keppnisdegi. Mótin telja á heimslista áhugamanna (WAGR), en heimslistinn er mikilvægur ef kylfingar hafa áhuga á að komast í háskólagolf í Bandaríkjunum. Veitt eru aukaverðlaun fyrir bestan árangur 15-16 ára og 17-18 ára í hverju móti auk þess sem þeir aldursflokkar eru með sér stigalista á Unglingamótaröðinni. Efstu 16 á hverjum stigalista fá þátttökurétt í Íslandsmóti í holukeppni í unglingaflokkum.

Flestir af okkar bestu áhugakylfingum horfa til þess eða fara til Bandaríkjanna á íþróttastyrk. Þrátt fyrir að þetta sé ekki eina leiðin til að ná árangri eru flestir sammála um að hún sé best og þá sérstaklega fyrir kylfinga sem vantar að lengja tímabilið sitt og vantar aukinn fjárhagslegan stuðning. Því sterkari skóli (með betri aðstöðu, betri þjálfun, meira fjármagn o.s.fr.) sem okkar kylfingar komast í því betri tækifæri fá þeir að ná stærsta markmiðinu að spila á meðal bestu kylfinga heims á sterkustu atvinnumannamótum heims. Sterk staða á heimslista áhugamanna er líklega veigamesti þátturinn þegar okkar ungu kylfingar eru að koma sér á framfæri í háskólaferlinu. Þjálfarar í háskólunum eru fyrst og fremst að fylgjast með kylfingum á aldrinum 15-17 ára (18 ára í undantekningartilvikum og fyrir lakari skóla). Fyrir viðræður við sterkustu skólana er best að okkar kylfingar hámarki sína stöðu um 16 ára aldurinn (16-17) og fyrir lakari skóla er best að okkar kylfingar hámarka sína stöðu um 17 ára aldurinn (17-18).

Ef okkar bestu kylfingar hámarka stöðu sína á heimslistanum á réttum tímapunkti og eru ofarlega á heimslistanum í sínum aldursflokki fá þeir:
Mikla athygli og mikinn áhuga frá bestu skólunum
Þátttökurétt til að spila í nánast hvaða móti sem er í heiminum og geta því valið mót sem þjálfari/þjálfarar mæta til að fylgjast með.

Deildu:

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ