Guðrún Brá Björgvinsdóttir í Sádí Arabíu 2020. Mynd/Tristan Jones.
Auglýsing

Guðrún Brá Björgvinsdóttir, Íslandsmeistari í golfi, er úr leik á fyrra mótinu af alls tveimur sem fram fara á LET Evrópumótaröð kvenna í Sádí-Arabíu.

Keiliskonan lék fyrstu tvo hringina á 80 og 77 höggum á Royal Greens vellinum í Sádí-Arabíu.

Skor keppenda er uppfært hér:

 

Næsta mót á LET Evrópumótaröðinni hefst 17. nóvember og fer það fram á sama stað og á sama velli. Það mót verður með óhefðbundnu keppnisfyrirkomulagi.

LET Evrópumótaröðin er sterkasta atvinnumótaröð Evrópu í kvennaflokki. Guðrún Brá tryggði sér keppnisrétt á LET Evrópumótaröðinni fyrir ári síðan en hún er fjórða konan frá Íslandi sem keppir á sterkustu atvinnumótaröð Evrópu. Ólöf María Jónsdóttir var sú fyrsta, Ólafía Þórunn Kristinsdóttir koma þar næst og Valdís Þóra Jónsdóttir var sú þriðja. Valdís Þóra er með keppnisrétt á þessum mótum en hún getur ekki tekið þátt vegna meiðsla.  

Guðrún Brá og Björgvin Sigurbergsson. Mynd/Tristan Jones

Á þessu tímabili hefur Guðrún Brá leikið á sex mótum á LET Evrópumótaröðinni og þremur mótum á LET Access mótaröðinni sem er sú næst sterkasta hjá atvinnukonum í golfi í Evrópu. Besti árangur Guðrúnar á LET Evrópumótaröðinni er 57. sæti á móti sem fram fór í Tékklandi. Hún er í sæti nr. 135 á stigalista LET Evrópumótaraðarinnar. 

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ