Guðmundur Ágúst og Haraldur Frankín. Mynd/seth@golf.is
Auglýsing

Guðmundur Ágúst Kristjánsson, GKG, og Haraldur Franklín Magnús, GR eru báðir á meðal keppenda á SDC Open sem fram fer í Suður-Afríku dagana 24.-27. mars. Mótið er hluti af Áskorendamótaröðinni, ChallengeTour, sem er næst sterkasta mótaröð atvinnukylfinga í Evrópu í karlaflokki.

Smelltu hér fyrir rástíma, stöðu og úrslit á SDC Open.

Mótið fer fram á Zebula Golf Estate & Spa, í Limpopo í Suður-Afríku.

Haraldur Franklín endaði í þriðja sæti á Jonsson Workwear mótinu á þessari mótaröð í lok febrúar en hann hefur dvalið á Íslandi á undanförnum viku við æfingar. Haraldur Franklín er í 11. sæti á stigalista Áskorendamótaraðarinnar.

Guðmundur Ágúst hefur leikið á einu móti á þessu tímabili í Suður-Afríku – þar sem hann komst ekki í gegnum niðurskurðinn.

Í fyrra endaði Haraldur Franklín í 48. sæti á stigalistanum og var hársbreidd frá því að komast inn á lokamót Áskorendamótaraðarinnar þar sem að 45 efstu keppendurnir kepptu um 20 efstu sætin sem tryggðu þeim keppnisrétt á sjálfri Evrópumótaröðinni.

Hann lék á alls 19 mótum í fyrra og fékk alls 35,816 stig.

Aðeins tveir kylfingar frá Íslandi hafa komist inn á lokamót Áskorendamótaraðarinnar – Birgir Leifur Hafþórsson og Guðmundur Ágúst Kristjánsson.

Guðmundur Ágúst endaði í 46. sæti árið 2020.

Birgir Leifur endaði í 35. sæti árið 2017.

Áskorendamótaröðin var sett á laggirnar árið 1989. Frá þeim tíma hafa margir þekktir kylfingar nýtt sér mótaröðina sem stökkpall inn á Evrópumótaröðina – DP Tour. Þar má nefna Thomas Bjørn (1995), Justin Rose (1999), Ian Poulter (1999), Henrik Stenson (2000), Louis Oosthuizen (2003), Tommy Fleetwood (2011) og Brooks Koepka (2013).

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ