Annað mót Unglingamótaraðarinnar fer fram í Mosfellsbæ dagana 30.-31. maí. Alls taka 102 keppendur þátt, 31 í stúlknaflokki og 71 í piltaflokki.

Hér má sjá rástíma og stöðu mótsins

Leikinn er höggleikur án forgjafar. Leiknar eru 54 holur í flokki 15-18 ára pilta og stúlkna. Keppt skal samkvæmt gildandi reglugerð um stigamót unglinga og móta- og keppendareglum GSÍ.

Að loknum 36 holum skal leikmönnum fækkað þannig að 70% leikmanna sem eru með besta skor í hvorum flokki halda áfram keppni. Séu tveir eða fleiri leikmenn á jafnir með hæsta skor þeirra sem halda áfram skulu þeir báðir/allir leika áfram.

Golfklúbburinn Keilir og Golfklúbbur Kópavogs og Garðabæjar eiga flesta keppendur í mótinu, en báðir klúbbarnir senda 23 kylfinga.