Magnús Lárusson úr Golfklúbbnum Jökli Ólafsvík gerði sér lítið fyrir og fór holu í höggi á 1. brautinni á Grafarholtsvelli í dag. Magnús sló boltann ofaní holuna á 1. braut í upphafshögginu en brautin er par 4 og um 300 metra löng. Magnús er á meðal keppenda á Securitasmótinu sem er lokamót Eimskipsmótaraðarinnar 2016. Hér fyrir neðan er myndasyrpa frá því þegar Magnús sló þetta eftirminnilega högg og myndirnar segja allt sem segja þarf.
