Íslandsmótið í golfi 2025 fer fram á Hvaleyrarvelli Golfklúbbsins Keilis, dagana 7.-10. ágúst.
Íslandmótið í ár er það sjötta sem haldið hefur verið á Hvaleyrarvelli. Frá því að völlurinn varð 18 holur hafa kylfingar úr Keili ávallt sigrað í karlaflokki á Íslandsmótinu í golfi, þegar mótið hefur farið fram á þeirra heimavelli.
Gunnlaugur og Haraldur ekki áfram á The Open
Landslið 65+ karla keppa í Hyvinkää, Finnlandi - rástímar, staða og úrslit
Kate Stillwell í viðtali við alþjóðleg samtök golfvallastarfsmanna
Gunnlaugur Árni: „Ég tek mikið sjálfstraust með mér inn í þetta mót“
Gunnlaugur og Haraldur leika um laus sæti á The Open
Íslandsmót golfklúbba - GA og GKG Íslandsmeistarar 18 ára og yngri
Íslandsmót golfklúbba - GA vann í flokki 16 ára og yngri pilta
Íslandsmót golfklúbba - GKG vann tvöfalt í flokki 14 ára og yngri
Haraldur Franklín áfram í lokaúrtökumót The Open
Golfdagurinn á Austurlandi fer fram þriðjudaginn 30. júní
Landslið Íslands valin fyrir EM í liðakeppni 2026
Íslandsmót golfklúbba 14 ára og yngri - Flúðir - rástímar og staða
Íslandsmót golfklúbba 16- og 18 ára og yngri - rástímar og staða
50+ og 65+ landslið kvenna keppa í Båstad í Svíþjóð - rástímar, staða og úrslit
Golfdagurinn á Norðurlandi fer fram sunnudaginn 28. júní
Fjölmargir keppendur taka þátt í mótinu í ár og þurfti að leika undankeppni um síðustu lausu sæti mótsins. Á meðal keppenda eru fremstu kylfingar landsins, atvinnukylfingar og margir fyrrverandi Íslandsmeistarar í golfi.
Keppendur mótsins koma úr 17 golfklúbbum víðs vegar af landinu. Golfklúbbur Reykjavíkur á flesta keppendur, alls 32, en heimamenn í Golfklúbbnum Keili eiga 21 kylfing í mótinu.
Keppendur Íslandsmótsins, niður á golfklúbb:
| Klúbbur | Karlar | Konur | Samtals |
| GA | 6 | 3 | 9 |
| GBO | 2 | 0 | 2 |
| GBR | 1 | 0 | 1 |
| GFB | 1 | 0 | 1 |
| GK | 13 | 8 | 21 |
| GKG | 15 | 11 | 26 |
| GM | 7 | 8 | 15 |
| GO | 0 | 1 | 1 |
| GOS | 6 | 3 | 9 |
| GR | 21 | 11 | 32 |
| GS | 4 | 1 | 5 |
| GSE | 0 | 1 | 1 |
| GSS | 0 | 2 | 2 |
| GÚ | 1 | 0 | 1 |
| GV | 3 | 0 | 3 |
| GVS | 1 | 0 | 1 |
| NK | 4 | 0 | 4 |
Íslandsmótið á Hvaleyrarvelli
Íslandsmótið fór fyrst fram á Hvaleyrarvelli árið 1967, þegar keppt var í kvennaflokki í fyrsta skiptið. Keppt var á 6 holu velli, en Keilir var stofnaður í febrúar árið 1967.
Árið 1970 fór fyrri hluti Íslandsmóts karla fram á Hvaleyrarvelli en lokadagarnir á Hólmsvelli í Leiru.
Árið 1973 sigraði Björgvin Þorsteinsson, GA, í karlaflokki á Íslandsmótinu á Hvaleyrarvelli sem var þá 12 holur. Jakobína Guðlaugsdóttir, GV, sigraði í kvennaflokki á því móti.
Alls liðu 26 ár þar til að Íslandsmótið fór fram á Hvaleyrarvelli á ný.
Árið 1999 fór Íslandsmótið fram á Hvaleyrarvelli, sem hafði opnað sem 18 holu völlur árið 1997. Á Íslandsmótinu 1999 sigruðu Ólöf María Jónsdóttir og Björgvin Sigurbergsson, en þau eru bæði í Golfklúbbnum Keili.
Árið 2007 fór mótið fram á Hvaleyrarvelli og þar sigraði Björgvin Sigurbergsson, GK, og Nína Björk Geirsdóttir, sigraði í kvennaflokki, en hún var þá í Golfklúbbnum Kili sem varð síðar að Golfklúbbi Mosfellsbæjar.
Íslandsmótið síðast fram á Hvaleyrarvelli árið 2017. Þar sigraði Axel Bóasson, úr GK, í karlaflokki og Valdís Þóra Jónsdóttir, GL, sigraði í kvennaflokki.
