Íslandsmót golfklúbba 2026 í 2. deild kvenna 50 ára og eldri fór fram á Grundarfjarðarvelli hjá Golfklúbbnum Vestarr dagana 20.-21. ágúst.
Fyrirkomulagi mótsins var breytt á öðrum keppnisdegi vegna veðurspár. Fjórða og fimmta umferð voru leiknar yfir níu holur í stað 18, þar sem ekki var útlit fyrir að hægt yrði að leika fimmtu umferðina laugardaginn 22. ágúst.
Golfklúbbur Akureyrar stóð uppi sem sigurvegari eftir 2-1 sigur gegn sameiginlegri sveit Golfklúbbsins Hamars Dalvík og Golfklúbbs Fjallabyggðar í úrslitaleiknum. GA tryggði sér þar með sæti í 1. deild kvenna 50 ára og eldri að ári.
Golfklúbburinn Vestarr endaði í þriðja sæti eftir 2-1 sigur gegn Golfklúbbi Borgarness í leiknum um bronsið.
Lokastaðan í 2. deild kvenna 50+ árið 2026
- Golfklúbbur Akureyrar
- Golfklúbburinn Hamar Dalvík/Golfklúbbur Fjallabyggðar
- Golfklúbburinn Vestarr
- Golfklúbbur Borgarness
- Golfklúbburinn Setberg
- Golfklúbbur Kiðjabergs
- Golfklúbbur Húsavíkur
- Golfklúbbur Öndverðarness
- Golfklúbbur Selfoss
Smelltu hér fyrir úrslit allra leikja í 2. deild kvenna 50+.
