Íslandsmót golfklúbba 2026 í 3. deild karla 50 ára og eldri fór fram á Gufudalsvelli Golfklúbbs Hveragerðis dagana 20.-22. ágúst. Sjö lið tóku þátt í mótinu.
Golfklúbbur Kiðjabergs stóð uppi sem sigurvegari eftir 2-1 sigur gegn heimamönnum í Golfklúbbi Hveragerðis í úrslitaleiknum. Með sigrinum tryggði Golfklúbbur Kiðjabergs sér sæti í 2. deild að ári.
Magnús R. Magnússon og Eyjólfur Jónsson unnu fjórmenninginn í úrslitaleiknum fyrir Kiðjaberg, 8/7, gegn Halldóri Friðgeiri Ólafssyni og Elíasi Óskarssyni. Báðir tvímenningsleikirnir enduðu jafnir. Gestur Þórisson og Erlingur Arthursson skildu jafnir og sömuleiðis Halldór Halldórsson og Einar Lyng Hjaltason.
Golfklúbbur Hornafjarðar varð í þriðja sæti eftir 2-1 sigur gegn Golfklúbbi Ísafjarðar.
Lokastaðan í 3. deild karla 50+
- Golfklúbbur Kiðjabergs
- Golfklúbbur Hveragerðis
- Golfklúbbur Hornafjarðar
- Golfklúbbur Ísafjarðar
- Golfklúbbur Húsavíkur
- Golfklúbbur Vatnsleysustrandar
- Golfklúbburinn Þverá Hellishólum
Smelltu hér fyrir rástíma, stöðu og úrslit í 3. deild karla 50+.
