Golfklúbbur Mosfellsbæjar er Íslandsmeistari golfklúbba 2023 í 1. deild kvenna. Þetta er í fimmta sinn sem GM sigrar í efstu deild kvenna og annað árið í röð. 

Golfklúbbur Mosfellsbæjar og Golfklúbbur Reykjavíkur léku til úrslita um titilinn. GKG sigraði GK í leiknum um þriðja sætið. 

Í þessari frétt er að finna upplýsingar um rástíma, stöðu og úrslit. Staðan í leikjum verður uppfærð reglulega í umferðum eða á ca. 6 holu fresti. Smelltu hér til að nálgast stöðu leikja og allar umferðir í einu skjali.

Alls tóku átta lið í 1. deild kvenna í keppninni um Íslandsmeistaratitil golfklúbba 2023. 

Liðunum var skipt í tvo fjögurra liða riðla.

Tvö efstu liðin úr hvorum riðli komust í undanúrslit.

A-riðill lokastaða:
GM, GK, GS, NK,

GM lék í undanúrslitum gegn GKG og þar hafði GM betur 4-1. .

B-riðill lokastaðan: GR, GKG, GSS, GO.

GR lék í undanúrslitum gegn GK og þar hafði GR betur 3,5 – 1,5. 

Neðsta liðið í 1. deild kvenna fellur í 2. deild.

Golfklúbbur Mosfellsbæjar hafði titil að verja í kvennaflokki í efstu deild.

Fyrst var leikið á Íslandsmóti golfklúbba í kvennaflokki árið 1982. Mótið í ár er það 42. í röðinni. Frá árinu 1982 hafa 4 klúbbar fagnað þessum titli.

Golfklúbbur Reykjavíkur hefur oftast sigrað eða 22 sinnum, þar á eftir kemur Golfklúbburinn Keilir með 15 titla, Golfklúbbur Mosfellsbæjar er með 5 titla þar af eru þrír titlar þegar Golfklúbburinn Kjölur í Mosfellsbæ var til. Golfklúbbur Kópavogs og Garðabæjar hefur tvívegis fagnað sigri í efstu deild kvenna á Íslandsmóti golfklúbba.

Smelltu hér fyrir myndasafn frá mótinu: