Íslandsmótið í holukeppni 2019 á Íslandsbankamótaröð unglinga fór fram á Húsatóftavelli hjá Golfklúbbi Grindavíkur.

Úrslitin réðust í dag þar sem að sjö Íslandsmeistarar í holukeppni voru krýndir:

Piltar 19-21 árs

1. Sverrir Haraldsson, GM
2. Elvar Már Kristisson, GR
3. Henning Darri Þórðarson, GK
4. Lárus Garðar Long, GV

Piltar 17-18 ára

1. Kristófer Karl Karlsson, GM
2. Tómas Eiríksson Hjaltested, GR
3. Ingi Þór Ólafson, GM
4. Jón Gunnarsson, GKG

Stúlkur 17-18 ára

1. Jóhanna Lea Lúðvíksdóttir, GR
2. Ásdís Valtýsdóttir, GR
3. Andrea Ýr Ásmundsdóttir, GA
4. María Björk Pálsdóttir, GKG

Drengir 15-16 ára

1. Böðvar Bragi Pálsson, GR
2. Dagur Fannar Ólafsson, GKG
3. Bjarni Þór Lúðvíksson, GR
4. Finnur Gauti Vilhelmsson, GR

Telpur 15-16 ára

1. Eva María Gestsdóttir, GKG
2. Nína Margrét Valtýsdóttir, GR
3. Katrín Sól Davíðsdóttir, GM
4. María Eir Guðjónsdóttir, GM

Stelpur 14 ára og yngri

1. Perla Sól Sigurbrandsdóttir, GR
2. Helga Signý Pálsdóttir, GR
3. Fjóla Margrét Viðarsdóttir, GS
4. Pamela Ósk Hjaltadóttir, GR

Strákar 14 ára og yngri

1. Markús Marelsson, GKG
2. Skúli Gunnar Ágústsson, GA
3. Veigar Heiðarsson, GA
4. Gunnlaugur Árni Sveinsson, GKG

Allar upplýsingar um rástíma og stöðu má nálgast hér:

Mótið hófst á föstudaginn þar sem keppt verður í fjórum aldursflokkum hjá piltum og þremur aldursflokkum hjá stúlkum. Úrslitin ráðast síðdegis á sunnudaginn.

Keppnisfyrirkomulagið er með hefðbundnum hætti samkvæmt reglugerð um mótið. Á fyrsta keppnisdeginum var leikinn höggleikur sem flokkast sem forkeppni. Úr forkeppninni fóru áfram þeir 16 keppendur í hverjum flokki sem hafa lægst skor.

Mjög góð þátttaka er í Grindavík en alls eru 132 keppendur skráðir til leiks.

GKG er með flesta keppendur eða alls 30 og GR er með 27. Alls koma keppendur frá 11 golfklúbbum.

Röðun í sæti skal fara eftir skori, sá sem hefur lægst skor fær nr. 1 í holukeppninni, næstlægsta skor nr. 2 og svo framvegis. Ef keppendur eru jafnir eftir forkeppnina ákvarðast röð þeirra eftir síðustu 9 holur, ef enn er jafnt þá skal varpa hlutkesti um röð.

Holukeppni:

Á öðrum degi skal leika fyrst 16 manna holukeppni og síðan 8 manna holukeppni þeirra sem áfram komast.

Á þriðja degi skal leika 4 manna holukeppni þeirra sem áfram komast og síðan skal leikið til úrslita, bæði um 3. sætið og um 1. sætið.

Allir leikir í holukeppninni skulu vera 18 holur.

Í 16 manna úrslitum leikur leikmaður með lægsta skor í höggleiknum við leikmanninn sem varð í 16. sæti, leikmaðurinn með næst lægsta skorið við leikmanninn sem varð í 15. sæti o.s.frv. Sjá viðauka II.

Ef keppendur í tilteknum flokki eru 8 eða færri er 16 manna úrslitum sleppt og keppendur fara beint í 8 manna úrslit.