Haraldur Franklín Magnús, GR, er á meðal keppenda sem hefja leik fimmtudaginn 18. maí, á B-NL Challenge Trophy sem fram fer á Twentsche vellinum í Hollandi.
Mótið er hluti af Challenge Tour, Áskorendamótaröðinni, sem er næst sterkasta atvinnumótaröð í karlaflokki í Evrópu.
Mótið í Hollandi er annað mót tímabilsins hjá Haraldi Franklín á mótaröðinni. Hann endaði í 25. sæti á UAE Challenge mótinu sem fram fór á Saadiyat Beach vellinum í Abu Dabí – Sameinuðu arabísku furstadæmunum nýverið. Þar lék Haraldur Franklín á -4 samtals (74-69-73-68).
Árið 2021 var Haraldur Franklín nálægt sigri á þessu móti – sem fram fór á Spijk vellinum en þar lék GR-ingurinn samtals á 11 höggum undir pari. Spánverjinn Alfredo Garcia Heredia stóð uppi sem sigurvegari eftir bráðabana.
Þetta er eins og áður segir annað mótið á tímabilinu á Challenge Tour hjá Haraldi Franklín.
Hann hefur leikið á 48 mótum á þessari mótaröð frá árinu 2018. Besti árangur hans er 2. sætið og hann hefur einnig endað í þriðja sæti.
![Screenshot-2023-05-15-at-10.35.10-AM - Golfsamband Íslands](https://www.golf.is/wp-content/uploads/2023/05/Screenshot-2023-05-15-at-10.35.10-AM-1024x262.png)
Smelltu hér fyrir rástíma, stöðu og úrslit á UAE Challenge:
![00010HaraldurFranklin2023 - Golfsamband Íslands](https://www.golf.is/wp-content/uploads/2023/05/00010HaraldurFranklin2023-1024x576.jpg)