Danski golfklúbburinn Smørum sigraði á Evrópumeistaramóti golfklúbba í karlaflokki sem lauk í gær á Troia vellinum í Portúgal. Íslandsmeistaralið Golfklúbbs Mosfellsbæjar tók þátt og endaði GM í 12. sæti.
Keppnisfyrirkomulagið var höggleikur þar sem að tvö bestu skorin af alls þremur hjá hverju liði töldu.
Sigur Smørum var naumur eða eitt högg en Royal Park I Roveri frá Ítalíu varð í öðru sæti og Murhof frá Austurríki varð í þriðja sæti. Í mótinu voru alls 21 lið.
Kristján Þór Einarsson, Íslandsmeistari í golfi 2022, Ingi Þór Ólafson og Kristófer Karl Karlsson skipuðu lið GM – Andri Ágústsson var liðsstjóri.
Ingi Þór Ólafson lék á +17 samtals eða 233 höggum (78-83-72) sem skilaði 25. sæti yfir bestu skor einstaklinga. Kristján Þór Einarsson lék einnig á 233 höggum eða +17 (72-83-78). Kristófer Karl Karlsson lék á +25 yfir pari eða 241 höggum (78-79-84) og endaði hann í 41. sæti.
Spánverjinn Pablo Alperi Lopez lék best allra eða á 210 höggum eða -6 samtals (69-69-72).
![Screenshot-2023-10-30-at-8.04.03 AM - Golfsamband Íslands](https://www.golf.is/wp-content/uploads/2023/10/Screenshot-2023-10-30-at-8.04.03 AM-1024x626.png)
![Screenshot-2023-10-30-at-8.04.16 AM - Golfsamband Íslands](https://www.golf.is/wp-content/uploads/2023/10/Screenshot-2023-10-30-at-8.04.16 AM-1024x761.png)
![GMEMklubba2023.jpeg - Golfsamband Íslands](https://www.golf.is/wp-content/uploads/2023/10/231025_menstrophy_teamiceland_001-1024x682.jpg)
![231025_menstrophy_teamdenmark_001 - Golfsamband Íslands](https://www.golf.is/wp-content/uploads/2023/10/231025_menstrophy_teamdenmark_001-1024x683.jpg)