Holukeppnin hélt áfram á Evrópumótum landsliða í dag, föstudaginn 10. júlí, þar sem þrjú íslensk landslið áttu leik. Piltalandsliðið vann frábæran 3-2 sigur á Svíþjóð og leikur um 9. sætið á morgun. Karlalandsliðið tapaði gegn Wales og kvennalandsliðið tapaði naumlega gegn Tékklandi.

Stúlknalandsliðið lék ekki í dag en mætir Hollandi á morgun í leik um 17. sætið.

Karlalandsliðið tapaði gegn Wales

Karlalandsliðið mætti Wales í B-riðli í Eistlandi í dag. Wales hafði betur, 4.5-0.5, en íslenska liðið hafði þegar tryggt sæti sitt í efstu deild með sigrinum gegn Svíþjóð í gær.

Gunnlaugur Árni Sveinsson náði í hálfan vinning fyrir Ísland þegar hann gerði jafntefli við Jonathan Bale. Aðrir leikir féllu Wales í vil.

Úrslit Íslands gegn Wales:

Skúli Gunnar Ágústsson / Aron Emil Gunnarsson töpuðu fyrir Ioan Rowe / Sean David, 2&1
Sigurður Bjarki Blumenstein tapaði fyrir Tomi Bowen, 3&2
Tómas Eiríksson Hjaltested tapaði fyrir Alex James, 7&6
Veigar Heiðarsson tapaði fyrir Caolan Burford, 1&0
Gunnlaugur Árni Sveinsson gerði jafntefli við Jonathan Bale

Karlalandsliðið leikur um 11. sætið gegn Belgíu á morgun.

Hér má fylgjast með stöðunni hjá karlalandsliðinu

Kvennalandsliðið tapaði naumlega gegn Tékklandi

Kvennalandsliðið mætti Tékklandi í B-riðli á Írlandi. Leikurinn var spennandi en Tékkland hafði að lokum betur, 3-2.

Eva Kristinsdóttir vann sinn leik á 19. holu og Karen Lind Stefánsdóttir vann sinn leik með einni holu. Það dugði þó ekki til og íslenska liðið tapaði aftur með minnsta mun.

Úrslit Íslands gegn Tékklandi:

Guðrún J. Nolan Þorsteinsdóttir / Fjóla Margrét Viðarsdóttir töpuðu fyrir Kristinu Lebová / Janu Csicsayová, 3&1
Eva Kristinsdóttir vann Terezu Zavrelová á 19. holu
Perla Sól Sigurbrandsdóttir tapaði fyrir Veroniku Kedroňová, 3&2
Karen Lind Stefánsdóttir vann Önnu Ludvová, 1&0
Elsa Maren Steinarsdóttir tapaði fyrir Kláru Hurtová, 1&0

Kvennalandsliðið leikur um 15. sætið gegn Belgíu á morgun.

Hér má fylgjast með stöðunni hjá kvennalandsliðinu

Piltalandsliðið vann Svíþjóð og leikur um 9. sætið

Piltalandsliðið hélt áfram góðu gengi sínu í B-riðli á Spáni og vann frábæran 3-2 sigur gegn Svíþjóð.

Óliver Elí Björnsson vann sinn leik með einni holu og Hjalti Kristján Hjaltason vann sinn leik með tveimur holum. Arnar Daði Svavarsson þurfti ekki að leika sinn leik þar sem sænskur mótherji hans var meiddur og Ísland fékk þar með vinning í þeim leik.

Úrslit Íslands gegn Svíþjóð:

Björn Breki Halldórsson / Kristján Karl Guðjónsson töpuðu fyrir Filip Grave / Edwin Sjödin, 4&3
Óliver Elí Björnsson vann Victor Lundius, 1 hola
Hjalti Kristján Hjaltason vann Theodor Kruus, 2 holur
Gunnar Þór Heimisson tapaði fyrir Eskil Törefors, 4&3
Arnar Daði Svavarsson vann Ludwig Libera, W/O

Piltalandsliðið leikur um 9. sætið gegn Noregi á morgun.

Hér má fylgjast með stöðunni hjá piltalandsliðinu

Stúlknalandsliðið leikur um 17. sætið

Stúlknalandsliðið lék ekki í dag í C-riðli í Sviss. Liðið vann Tyrkland 3-2 í gær og mætir Hollandi á morgun í úrslitaleik um 17. sætið.

Hér má fylgjast með stöðunni hjá stúlknalandsliðinu

Holukeppninni lýkur á morgun, laugardag, og þá kemur í ljós í hvaða sætum íslensku landsliðin enda á Evrópumótinu. Við munum áfram fylgjast vel með okkar fólki á miðlum GSÍ.