Síðasti Golfdagur sumarsins fór fram hjá Golfklúbbi Vestmannaeyja þann 19. júlí. Golfdagarnir eru ætlaðir fyrir alla fjölskylduna og eru frábært tækifæri til að kynnast golfíþróttinni. Boðið var upp á skemmtilega kynningu á grunnatriðum íþróttarinnar, grill við klúbbhúsið, alls kyns veitingar og þátttakendum færðar gjafir frá KPMG og GSÍ.
Mæting var með besta móti þrátt fyrir misgott veður og tók klúbburinn vel á móti þeim sem sóttu viðburðinn. Milli 50-60 manns sóttu Golfdaginn og ríkti mikil gleði á svæðinu.
Golfdagar sumarsins reyndust einstaklega vel heppnaðir og þökkum við öllum klúbbunum fyrir framkvæmd Golfdaganna og stuðning þeirra við vöxt íþróttarinnar.
