Icewear mót GKG á Unglingamótaröðinni og Golf 14 fara fram dagana 4.-6. júní 2026 á Leirdalsvelli og Mýrinni.
Metfjöldi kylfinga er skráður í mótið í ár. Í Unglingamótaröðina mæta 102 kylfingar og 178 kylfingar verða á meðal keppenda í Golf 14 móti vikunnar. Því verða alls 280 ungir og efnilegir kylfingar að leik á golfsvæði GKG næstu daga, en Golfklúbbur Kópavogs og Garðabæjar er framkvæmdaraðili mótsins.
Icewear bikarinn 15-18 ára
Í flokki 15-18 ára eru leiknar 54 holur á Leirdalsvelli og er keppt í höggleik án forgjafar dagana 4.-6. júní.
Að loknum 36 holum er leikmönnum fækkað þannig að 70% leikmanna sem eru með besta skor í hvorum flokki halda áfram keppni.
Keppt er samkvæmt gildandi reglugerð um stigamót unglinga og móta- og keppendareglum GSÍ.
Icewear Golf 14 – Leirdalur
Í Icewear Golf 14 á Leirdalsvelli er leikinn höggleikur án forgjafar dagana 5. og 6. júní – alls 36 holur.
Hámarksforgjöf í flokki 14 ára og yngri kk er 30 og hámarksforgjöf í flokki 14 ára og yngri kvk er 36.
Keppt er samkvæmt gildandi reglugerð um stigamót unglinga og móta- og keppendareglum GSÍ.
Icewear Golf 14 – Mýrin
Icewear Golf 14 fer fram á Mýrinni dagana 5. og 6. júní. Þar eru leiknar 18 holur á tveimur dögum (9 og 9) með höggleiks afbrigði, án forgjafar.
Mótið er hugsað sem fyrsta skref og stuðningur við keppnisþátttölu ungra kylfinga. Markmiðið er að hafa gaman og aðaláherslan lögð á að læra leikinn og mismunandi leikform hans.
Þjálfarar, liðstjórar og foreldrar eru hvattir til þess að taka virkan þátt í að gera þessi mót sem skemmtilegust fyrir þátttakendur með leiðbeinandi og jákvæðu hugarfari í kringum mótin.
