Sigurbjörn Þorgeirsson úr Golfklúbbi Fjallabyggðar er Íslandsmeistari í flokki 50 ára og eldri 2021.
Sigurbjörn lék á 212 höggum eða 2 höggum yfir pari vallar á Vestmannaeyjavelli og var hann 6 höggum betri en Helgi Anton Eiríksson úr Golfklúbbnum Esju sem lék á 218 höggum.
Tryggvi Valtýr Traustason úr Golfklúbbi Öndverðarness varð þriðji á 221 höggi.
Íslandsmót eldri kylfinga 2021 fór fram dagana 15.-17. júlí í Vestmannaeyjum. Mikill áhugi var á mótinu hjá keppendum og komust ekki allir inn í mótið sem sóttust eftir því.
![Screen-Shot-2021-07-17-at-8.41.07-PM - Golfsamband Íslands](https://www.golf.is/wp-content/uploads/2021/07/Screen-Shot-2021-07-17-at-8.41.07-PM-1024x621.png)
![IMG_0903 - Golfsamband Íslands](https://www.golf.is/wp-content/uploads/2021/07/IMG_0903-1024x683.jpg)