Auglýsing

Golfsamband Íslands hefur komist að samkomulagi við Ólaf Björn Loftsson þess efnis að hann verði aðstoðarmaður afreksstjóra GSÍ. Eins og fram hefur komið tók Gregor Brodie við starfi afreksstjóra GSÍ nýverið.

Ólafur B. Loftsson hefur lengi verið í fremstu röð afrekskylfinga á Íslandi. Hann varð Íslandsmeistari í golfi árið 2009 og fetaði þar með í fótspor föður síns, Lofts Ólafssonar. Ólafur er framkvæmdastjóri PGA á Íslandi samhliða því að leika sem atvinnukylfingur og vera nemandi í PGA kennaraskólanum á Íslandi.

Ólafur er einn reynslumesti landsliðsmaður Íslands í flokki áhugakylfinga og hann er eini íslenski kylfingurinn sem hefur fengið tækifæri að keppa á PGA mótaröðinni í Bandaríkjunum.

„Við erum mjög ánægð að fá Ólaf til liðs við okkur og erum fullviss um að þeir í sameiningu með öllu því góða fagfólki sem starfar í golfklúbbum landsins og fagteymi GSÍ munu færa okkar afrekskylfingum og íþróttinni í heild mikið á komandi misserum,“ segir Brynjar Eldon Geirsson framkvæmdastjóri GSÍ.

 

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ