Birgir Leifur Hafþórsson úr GKG og Ólafía Þórunn Kristinsdóttir úr GR voru útnefnd kylfingar ársins 2015. Frá þessu var greint í hófi Samtaka íþróttafréttamanna og Íþróttasambands Íslands í Silfurbergi í Hörpu þann 30. desember sl.
Birgir Leifur hefur verið fremstur íslenskra kylfinga mörg undanfarin ár, og sýndi að hann er enn í stöðugri framför. Hann náði góðum árangri á Áskorendamótaröðinni sem er næsta sterkasta mótaröð Evrópu, þar sem besti árangur hans var 5. sæti. Birgir Leifur komst alla leið á lokastig úrtökumóta fyrir Evrópumótaröðina, en þó ekki hefði tekist að tryggja sér sæti þar, þá hefur hann fest sig í sessi í Áskorendamótaröðinni. Birgir Leifur er öðrum íþróttamönnum mikil fyrirmynd hvað varðar elju og þrautseigju.
Ólafía Þórunn náði frábærum árangri nú rétt fyrir jól þegar hún tryggði sér þátttökurétt í Evrópumótaröð kvenna, og mun því keppa meðal þeirra fremstu í heiminum á næsta ári. Hún lék frábært golf á árinu þar sem hún endaði tímabilið í 14. sæti. Ólafía Þórunn er glæsilegur fulltrúi íslenskra íþróttamanna á erlendum vettvangi, og mjög góð fyrirmynd annara íþróttamanna.
