„Leikmannaútgáfa golfreglnanna“ er ritið sem dreift er til kylfinga um allan heim. Þetta eru ekki leiðbeiningar um golfreglurnar heldur stytt útgáfa reglnanna þar sem lögð er áhersla á þig, kylfinginn. GSÍ og Tryggingafélagið Vörður eru í samstarfi í þessu verkefni.

Ritið fer í prentun fljótlega hjá GSÍ og verður því dreift til kylfinga við fyrsta tækifæri. Rafræna útgáfu er að finna neðst í þessari frétt.

Markmiðið með leikmannaútgáfunni er að kynna reglurnar á auðskildari hátt og með áherslu á það sem þú, kylfingurinn, þarft að vita til að leika samkvæmt reglunum.

Eftirfarandi eru nokkur aðalatriði leikmannaútgáfunnar:

• Hún er gild reglubók. Hún lítur út eins og aðal reglurbókin og er með sambærilegri uppbyggingu. Þótt texti hennar sé styttur veitir hún sömu svör og aðal reglubókin.
• Í leikmannaútgáfunni er lögð áhersla á þær reglur sem skipta þig mestu sem leikmann. Þar á meðal eru reglurnar sem lýsa grunnatriðum golfs – til dæmis að leika samkvæmt reglununum og í anda leiksins, ólíkir hlutar vallarins og útbúnaðurinn sem þú mátt nota – auk þeirra reglna sem oftast þarf að nota.
• Þótt útgáfan nái ekki til sumra aðstæðna sem koma sjaldan við sögu í golfleiknum vísar hún til nánari upplýsinga um aðstæðurnar í aðal reglubókinni með tilvísun.
• Leikmannaútgáfan er skrifuð þannig að hún vísar til „þín“ kylfingsins. Þessi stíll, að setja kylfinginn í forgrunn, er annað lykilskref í að gera reglurnar aðgengilegri.

Útgáfan inniheldur skýringamyndir og töflur til að útskýra reglurnar á sjónrænan hátt.

Smelltu hér eða á myndina hér fyrir neðan til að nálgast leikmannaútgáfu golfreglnanna.