Stjórn GKj. hefur boðað til fundar um sameiningu GKJ og GOB. Fundurinn verður haldinn fimmtudaginn 4. desember nk. kl. 20:30 í Lágafellsskóla. Helming skráðra félaga þarf til lögmætis fundar og 2/3 þeirra þarf til að greiða sameiningartillögunni atkvæði sitt
Mæti ekki nægilega margir til fundarins 4. desember, verður annar fundur um sama efni haldinn samfara aðalfundi fimmtudaginn 11. desember kl. 20:00 í Framhaldsskóla Mosfellsbæjar. Á þeim fundi þarf meirihluti fundarmanna að greiðatillögunni samþykki sitt til þess að verði að sameiningu.
Atkvæðisrétt hafa skuldlausir félagsmenn 16 ára og eldri. Vinsamlegast hafið skilríki meðferðis. Fyrir fundinum liggur eftirfarandi tillaga:
Stjórn GKJ leggur til að félagið sameinist GOB undir merkjum Golfklúbbs Mosfellsbæjar frá og með 1. október 2014. Öll réttindi, eignir og skyldur félaganna færast við sameininguna yfir í sameinaðan golfklúbb. Fyrir fundinum liggja drög að samrunasamningi, ásamt drögum að lögum hins sameinaða félags sem í sameiningu mynda samrunaskjöl GM ef af sameiningu verður.
Ef tillaga um sameiningu GKJ og GOB verður felld í öðrum hvorum klúbbnum fellur hún niður
