Íslandsmót unglinga 2026 í holukeppni fór fram á Selfossi dagana 23.-25. júlí.
Keppni í flokki 12 ára og yngri hófst með höggleik þar sem kylfingum var raðað í sæti fyrir útsláttarkeppnina. Átta efstu kylfingarnir komust áfram í átta manna úrslit.
Til úrslita í drengjaflokki 12 ára og yngri léku Ísak Hrafn Jónasson og Andri Mikael Steindórsson. Ísak Hrafn hafði betur, 3/1, og tryggði sér þar með Íslandsmeistaratitilinn í holukeppni 2026.
Ísak Hrafn varð jafn í þriðja sæti í höggleiknum og hóf útsláttarkeppnina á 3/1 sigri gegn Gunnari Helga Kristinssyni. Í undanúrslitum mætti hann Eiríki Boga Karlssyni, sem hafði verið efstur eftir höggleikinn, og vann spennandi leik þeirra 2/1.
Andri Mikael, sem var sjöundi í röðuninni, vann tvo jafna leiki á leið sinni í úrslitin. Hann lagði Ólaf Bjarna Þórðarson 3/2 í átta manna úrslitum og vann síðan Sigurð Markús Sigurðarson með sama mun í undanúrslitum.
Eiríkur Bogi tryggði sér þriðja sætið með öruggum 6/3 sigri gegn Sigurði Markúsi í leiknum um bronsið.
Verðlaunasæti:
- Ísak Hrafn Jónasson, GR
- Andri Mikael Steindórsson, GA
- Eiríkur Bogi Karlsson, GKG
Hér má sjá rástíma og úrslit allra leikja
