/

Deildu:

Auglýsing

Margreyndur þjálfari frá Kent State háskólanum, Herb Page, kom hingað til lands og fylgdist með Eimskipsmótaröðinni um seinustu helgi. Kent State hefur náð mjög góðum árangri í háskólagolfinu undanfarin ár, m.a. komist í NCAA lokakeppnina 5 af seinustu 6 keppnum, og endaði í 5. sæti 2012.

Frægasti kylfingur Kent State er Ben Curtis, en hann sigraði á British Open 2003, og hefur Page verið púttþjálfari hans í gegnum hans atvinnumannaferil.

Page var hér í þeim erindagjörðum að fylgjast með ungum íslenskum kylfingum, sem hann hefur verið í sambandi við á undanförnum mánuðum. Það eru meðmæli með barna-, unglinga- og afreksstarfi klúbbana hér heima, og kylfinganna sjálfra, að reyndur þjálfari frá jafn sterkum háskóla komi hingað til Íslands í heimsókn til að fylgjast með leikmönnum, en oftast þýðir það að ferli leikmannavalsins sé á lokastigum.

Þjálfarinn var mjög ánægður með gæði kylfinganna sem hann fylgdist með, og kom honum verulega á óvart hversu margir góðir ungir kylfingar voru hér. Honum þótti einnig mikið til koma framkoma kylfinganna, sem létu mjög erfiðar aðstæður ekki á sig fá, heldur héldu áfram ótrauðir og einbeittir.

Eitt af markmiðum afreksstefnunnar er að aðstoða okkar fremstu  ungu kylfinga við að komast í bestu skólana í bandaríkjunum, þar sem umgjörð er til þess fallin að kylfingarnir geti bætt sig verulega á þeim fjórum árum sem þeir leika með skólum sínum. Það verður því spennandi að fylgjast með framvindunni í þessum málum.

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ