Alls eru 32 kylfingar frá Íslandi sem komast inn á heimslista áhugakylfinga í karlaflokki. Það eru R&A og USGA sem halda utan um stigagjöfina á þessum lista. Árangur kylfinga undanfarin tvö ár telur í hvert sinn sem listinn er uppfærður eða síðustu 104 vikur.

Stigamótaraðir GSÍ í fullorðins og unglingaflokki telja inn á heimslistann ásamt heimslistamótaröðinni en tvö slíkt mót fóru fram á árinu 2020 á Íslandi. Alls eru 12 mót á þessu ári sem fram fóru á Íslandi sem telja inn á heimslista áhugakylfinga, 5 mót á stigamótaröð GSÍ og 5 mót á stigamótaröð barna – og unglinga, og tvö mót á heimslistamótaröðinni.

Gísli Sveinbergsson úr Golfklúbbnum Keili er efstur af íslensku karlkylfingunum í sæti nr. 472. Gísli, sem er fæddur árið 1997, hefur ekkert keppt á undanförnum misserum vegna meiðsla.

Hann komst inn á topp 100 listann árið 2014 – fyrstur íslenskra áhugakylfinga frá því að listinn var settur á laggirnar árið 2007. Gísli komst í sæti nr. 99 árið 2014 og bætti þar með met sem Ólafur Björn Loftsson átti þegar hann að komast í sæti nr. 110 árið 2011.

Aron Snær Júlíusson, GKG, er í öðru sæti af íslensku kylfingunum í sæti nr. 597 en besti árangur hans er 435. sæti. Dagbjartur Sigurbrandsson, GR, er í sæti nr 631 en hann hefur hæst farið upp í sæti nr. 286.

Eftirtaldir kylfingar frá Íslandi eru á heimslista áhugakylfinga.