Alls eru 10 kylfingar frá Íslandi sem komast inn á heimslista áhugakylfinga í kvennaflokki. Það eru R&A og USGA sem halda utan um stigagjöfina á þessum lista. Árangur kylfinga undanfarin tvö ár telur í hvert sinn sem listinn er uppfærður eða síðustu 104 vikur.

Stigamótaraðir GSÍ í fullorðins og unglingaflokki telja inn á heimslistann ásamt heimslistamótaröðinni en tvö slíkt mót fóru fram á árinu 2020 á Íslandi. Alls eru 12 mót á þessu ári sem fram fóru á Íslandi sem telja inn á heimslista áhugakylfinga, 5 mót á stigamótaröð GSÍ og 5 mót á stigamótaröð barna – og unglinga. Fjölmörg alþjóðleg mót telja einnig á heimslista áhugakylfinga.

Hulda Clara Gestsdóttir, GKG, er efst íslenskra kvenna á heimslistanum. Hún er í sæti nr. 517 en hún hefur hæst farið í sæti nr. 330 í október 2019. Til samanburðar má nefna að Hulda Clara var í sæti nr. 2600 í maí 2019.

Ragnhildur Kristinsdóttir, GR, er í öðru sæti af íslensku konunum á heimslista áhugakylfinga. Ragnhildur er í sæti nr. 708 og Saga Traustadóttir, GR, er nr. 859 sæti á heimslista áhugakylfinga.

Eftirtaldir kylfingar frá Íslandi eru á heimslista áhugakylfinga í kvennaflokki.