Haukadalsvöllur við Geysi var opnaður á ný þann 5. júlí s.l. en völlurinn þykir einn af allra áhugaverðustu golfvöllum landsins. Golfvöllurinn var opnaður fyrir 15 árum og er nú rekinn í samstarfi við eigendur Hótel Geysis. Í tilkynningu frá Golfklúbbnum Geysi segir að á undanförnum árum hafi verið unnið að því að koma Haukadalsvelli í sama horf og áður.
Umferð um völlinn hefur farið ört vaxandi á fyrstu vikum júlímánaðar og greinilegt að Haukadalsvöllur var ekki gleymdur eftir að hafa verið í „dvala“ á meðan viðarmikil endursáning fór fram á golfvallarsvæðinu. Eigendur og rekstraraðilar ánægð og þakklát fyrir þann mikla áhuga sem kylfingar og aðrir gestir hafa sýnt Haukadalsvelli eftir að hann var opnaður aftur.
Haukadalsvöllur er í hópi margra golfvalla Íslands sem eru einstakir á sinn hátt, og gestir heillast af náttúrufegurð vallarins. Edwin Roald Rögnvaldsson er hönnuður vallarins. Það er ljóst að honum tókst vel upp með ætlunarverkið að leggja nýjan golfvöll í það landslag sem var fyrir með sem minnstu jarðraski. Kylfingar sem leika á vellinum fá á tilfinninguna að völlurinn hafi ávallt verið í þessu umhverfi.
Hver einast golfhola Haukadalsvallar er með sín sérkenni og eflaust skiptar skoðanir eru um hvaða holur vallarins standi upp úr í fegurð og glæsileika. Tvær par 3 holur eru á Haukadalsvelli. Þær eru báðar við Almenningsá sem rennur af krafti í gegnum völlinn.
Eins og áður hefur komið fram eru Haukadalsvöllur rekinn í samstarfi við eigendur Hótel Geysis. Upphafs – og lokahola vallarins hefur því verið snúið eins og Haukadalsvöllur var í upphafi. Kylfingar hefja því leik við Geysissvæðið og ljúka leik við klúbbhúsið sem er í „gamla golfskálanum“ þar sem í dag er rekið hótelið Litli-Geysir.
Haukadalsvöllur er 9 holur og er par vallarins 37 á 9 holum og 74 á 18 holum.
Unnið er að því að koma Haukadalsvelli inn í rástímakerfið Golfbox. Tekið er á móti rástímabóknum á Litli Geysir í síma 790 6800 eða í gegnum geysir@geysircenter.is
Myndasafn frá Haukadalsvelli – fyrir breytingar:
![Fimmta-holan-á-Haukadalsvelli-er-á-meðal-þeirra-allra-fallegustu-á-landinu._GÁÍ2017 - Golfsamband Íslands](https://www.golf.is/wp-content/uploads/2021/07/Fimmta-holan-á-Haukadalsvelli-er-á-meðal-þeirra-allra-fallegustu-á-landinu._GÁÍ2017-1024x682.jpg)
![Geysir201515 - Golfsamband Íslands](https://www.golf.is/wp-content/uploads/2021/07/Geysir201515-1024x552.jpg)
![Lokaholan-heitir-Blesi-og-er-ógleymanleg-að-öllu-leiti.-Innáhöggið-á-þessari-par-5-holu-er-skemmtilegt-þar-sem-slegið-er-yfir-á-fyrir-framan-flötina._GÁÍ2017-1 - Golfsamband Íslands](https://www.golf.is/wp-content/uploads/2021/07/Lokaholan-heitir-Blesi-og-er-ógleymanleg-að-öllu-leiti.-Innáhöggið-á-þessari-par-5-holu-er-skemmtilegt-þar-sem-slegið-er-yfir-á-fyrir-framan-flötina._GÁÍ2017-1-1024x682.jpg)
![Sáttir-Þessir-ungu-kylfingar-voru-sáttir-við-hringinn-eftir-að-hafa-heimsótt-Haukadalsvöll-í-fyrsta-sinn.-Útsýnið-frá-9.-flötinni-er-stórkostlegt._GÁÍ2017.jpg - Golfsamband Íslands](https://www.golf.is/wp-content/uploads/2021/07/Sáttir-Þessir-ungu-kylfingar-voru-sáttir-við-hringinn-eftir-að-hafa-heimsótt-Haukadalsvöll-í-fyrsta-sinn.-Útsýnið-frá-9.-flötinni-er-stórkostlegt._GÁÍ2017-1024x647.jpg)