GSÍ fjölskyldan
Haraldur Franklín Magnús og Guðrún Brá Björgvinsdóttir.
Auglýsing

Golfsamband Íslands hefur valið kylfinga ársins 2021.

Þeir eru Guðrún Brá Björgvinsdóttir, Golfklúbbnum Keili, og Haraldur Franklín Magnús úr Golfklúbbi Reykjavíkur.

Þetta er í 24. skipti þar sem tveir einstaklingar eru valdir sem kylfingar ársins hjá GSÍ, kona og karl. Þetta er í annað sinn sem Guðrún Brá fær þessa viðurkenningu og í þriðja sinn sem Haraldur Franklín er kylfingur ársins.

Árið 1973 var fyrsta kjörið hjá GSÍ á kylfingi ársins en frá árinu 1998 hefur karl og kona verið valin sem kylfingar ársins.

Birgir Leifur Hafþórsson hefur oftast verið kjörinn kylfingur ársins í karlaflokki eða alls 11 sinnum. Ólafía Þórunn Kristinsdóttir er sú sem oftast hefur fengið þessa viðurkenningu hjá konunum eða alls sex sinnum.

Guðrún Brá Björgvinsdóttir

Guðrún Brá er fædd árið 1994 og hefur alla tíð leikið fyrir Golfklúbbinn Keili í Hafnarfirði. Hún gerðist atvinnukylfingur árið 2018 er með keppnisrétt á LET Evrópumótaröðinni – sem er sterkasta atvinnumótaröð í kvennaflokki í Evrópu.

Guðrún Brá er fjórða konan frá Íslandi sem tryggir sér keppnisrétt á LET Evrópumótaröðinni. Ólöf María Jónsdóttir, Ólafía Þórunn Kristinsdóttir og Valdís Þóra Jónsdóttir hafa einnig verið með keppnisétt á LET.

Alls lék Guðrún Brá á 16 mótum á LET Evrópumótaröðinni á þessu tímabili. Besti árangur hennar á tímabilinu er 12. sæti. Hún varð Íslandsmeistari í holukeppni 2020 á Þorláksvelli.

Á LET Evrópumótaröðinni lék hún á alls xx mótum og besti árangur hennar var xx. sæti. Guðrún Brá verður með keppnisrétt á LET Evrópumótaröðinni á næsta ári.

Á heimslistanum hefur Guðrún Brá farið upp um tæplega 255 sæti á þessu ári en hún er í sæti nr. 620 á heimslistanum.

Guðrún Brá lék á lokamóti LET Evrópumótaraðarinnar, annað árið í röð. Guðrún Brá endaði í 75. sæti á stigalistanum á LET Evrópumótaröðinni en árið 2020 endaði hún í sæti nr. 127 á stigalistanum.

Með árangri sínum hefur hún tryggt sér keppnisrétt á LET Evrópumótaröðinni á næsta tímabili sem hefst í febrúar 2022.

Guðrún Brá Björgvinsdóttir. Mynd: Tristan Jones/LET

Það er mikill heiður og hvatning að fá þessa viðurkenningu annað árið í röð. Tímabilið var að mínu mati gott hjá mér þrátt fyrir að heimsfaraldur hafi haft mikil áhrif á mótahaldið. Ég keppti alls á 14 mótum á sterkustu atvinnumótaröð Evrópu og komst í gegnum niðurskurðinn á 9 þeirra. Það sem stendur hæst upp úr er 12. sætið á móti sem fram fór í London í maí og einnig árangurinn í liðakeppninni á Aramco Team Series sem fram fór í Sádí Arabíu í nóvember. Þar enduðum við í 8. sæti sem að mínu mati er frábær árangur. Ég náði einnig að komast inn á lokamót LET annað árið í röð og lokakaflinn á tímabilinu var sterkur hjá mér – sem ég er ánægð með. Ég náði að leika mjög vel á þremur af alls fjórum hringjum á lokamótinu – og komst upp í 75. sæti á stigalista mótaraðarinnar. Sá árangur gefur mér fullan keppnisrétt á LET á næsta tímabili. Ég trúi því að mótahaldið á næsta ári verði nálægt því að vera eðlilegt. Það ríkir tilhlökkun hjá mér fyrir næsta tímabil sem hefst í febrúar á næsta ári. Það verður hinsvegar gott og nauðsynlegt að taka frí um jólahátíðina og njóta þess að vera með fjölskyldu og vinum hér á Íslandi.

Haraldur Franklín Magnús

Haraldur Franklín er fæddur árið 1991 og er í Golfklúbbi Reykjavíkur. Þetta er í þriðja sinn sem hann fær þessa viðurkenningu, fyrst árið 2012 þegar hann fagnaði sínum fyrsta Íslandsmeistartitli og í annað sinn árið 2018.

Frá árinu 2016 hefur Haraldur Franklín verið atvinnukylfingur. Hann hefur á undanförnum tveimur tímabilum verið með keppnisrétt á Áskorendamótaröðinni, Challenge Tour, sem er næst sterkasta atvinnumótaröð í Evrópu.

Aðeins sex íslenskir kylfingar hafa öðlast keppnisrétt á Áskorendamótaröðinni frá upphafi. Birgir Leifur Hafþórsson, Axel Bóasson, Guðmundur Ágúst Kristjánsson, Haraldur Franklín Magnús, Bjarki Pétursson og Andri Þór Björnsson.

Haraldur Franklín endaði í 48. sæti á stigalistanum sem er besti árangur hans á Áskorendamótaröðinni (Challenge Tour). Til samanburðar endaði hann í 85. sæti á þessum stigalista í fyrra.

Hann hóf tímabilið í sæti nr. 102 á stigalistanum og á tímabilinu fór hann hæst í sæti nr. 38.

Haraldur Franklín var aðeins þremur sætum frá því að komast inn á lokamót Áskorendamótaraðarinnar. Besti árangur hans á tímabilinu var 2. sætið á B-NL mótinu sem fram fór Hollandi í lok ágúst en besti árangur hans á árinu 2019 var 14. sæti.

Alls lék Haraldur Franklín á 19 mótum á Áskorendamótaröðinni – og er hann með keppnisrétt á Áskorendamótaröðinni á næsta tímabili sem hefst í byrjun ársins 2022.

Haraldur Franklín hefur farið hratt upp heimslistann á þessu tímabili. Hann hóf árið í sæti nr. 768 en á árinu fór hann upp um rúmlega 200 sæti og situr hann nú í sæti nr. 567.

Haraldur Franklín Magnús. Mynd/seth@golf.is

Ég er þakklátur og það er mikill heiður að fá þessa viðurkenningu í þriðja sinn á ferlinum. Þegar ég lít til baka á atvinnumannaferilinn þá hefur verið stígandi í þessu hjá mér á hverju ári. Ég byrjaði með ekkert, komst inn á Nordic- Tour – var valinn nýliði ársins þar. Komst inn á Opna breska meistaramótið, vann mig inn á Áskorendamótaröðina. Var í baráttunni í ár að komast inn á stærsta sviðið, Evrópumótaröðina, og í mun betri stöðu núna en í byrjun ársins. Tímabilið í ár var í raun fyrsta alvöru tímabilið á Áskorendamótaröðinni þar sem að tímabilið í fyrra var mjög laskað vegna heimsfaraldurs – aðeins örfá mót voru á dagskrá.
Ég náði fyrsta markmiðinu mínu sem var að komast í keppni um sigur á nokkrum mótum og vera á meðal 7 0efstu á stigalista mótaraðarinnar. Markmið númer 2 var að vera meðal 45 efstu. Ég var grátlega nálægt því. En ég er á mun betri stað á mótaröðinni núna en ég var í fyrra. Það gætu opnast gluggar inn á einhver mót á Evrópumótaröðinni en ég á ekki von á því þar sem að enginn missti keppnisrétttinn á Evrópumótaröðinni á þessu tímabili.
Besta mótið hjá mér í ár var í Hollandi þar sem ég komst í bráðabana um sigurinn. Það voru fjórir kylfingar í bráðabananum og það var rosalega gaman að upplifa slíkt en svekkjandi að ná ekki að vinna. Ég get ekki beðið eftir því að upplifa „eðlilegt tímabil“. Það var fullt starf að púsla þessu öllu saman á þessu ári. Ég hef hef misst tölu á hvað þetta vöru: mörg flug, mörg lönd, mörg covid próf, mörg undanþágubréf til að komast inní mismunandi lönd, Og svo framvegis. Keppnistímabilið á að byrja í Suður-Afríku í febrúar á næsta ári en það er óvíst hvernig þetta fer miðað við stöðuna á faraldrinum núna. Það eina sem ég ætla að gera er að æfa eins mikið og ég get fram að fyrsta móti á nýju ári.



Árið 1973 var fyrsta kjörið hjá GSÍ á kylfingi ársins. Birgir Leifur Hafþórsson hefur oftast verið kjörinn kylfingur ársins í karlaflokki eða alls 11 sinnum. Ólafía Þórunn Kristinsdóttir er sú sem oftast hefur fengið þessa viðurkenningu hjá konunum eða alls sex sinnum.

Kylfingar ársins frá upphafi:

1973Björgvin ÞorsteinssonGA1
1974Sigurður ThorarensenGK1
1975Ragnar ÓlafssonGR1
1976Þorbjörn KjærboGS1
1977Björgvin ÞorsteinssonGA2
1978Gylfi KristinssonGS1
1980Hannes EyvindssonGR1
1981Ragnar ÓlafssonGR2
1982Sigurður PéturssonGR1
1983Gylfi KristinssonGS2
1984Sigurður PéturssonGR2
1985Sigurður PéturssonGR3
1986Úlfar JónssonGK1
1987Úlfar JónssonGK2
1988Úlfar JónssonGK3
1989Úlfar JónssonGK4
1990Úlfar JónssonGK5
1991Karen SævarsdóttirGS1
1992Úlfar JónssonGK6
1993Þorsteinn HallgrímssonGV1
1994Sigurpáll Geir SveinssonGA1
1995Björgvin SigurbergssonGK1
1996Birgir Leifur HafþórssonGL1
1997Birgir Leifur HafþórssonGL2
1998Björgvin SigurbergssonGK2Ragnhildur SigurðardóttirGR1
1999Örn Ævar HjartarsonGS1Ólöf María JónsdóttirGK1
2000Björgvin SigurbergssonGK3Ragnhildur SigurðardóttirGR2
2001Örn Ævar HjartarsonGS2Herborg ArnardóttirGR1
2002Sigurpáll Geir SveinssonGA2Ólöf María JónsdóttirGK2
2003Birgir Leifur HafþórssonGKG3Ragnhildur SigurðardóttirGR3
2004Birgir Leifur HafþórssonGKG4Ólöf María JónsdóttirGK3
2005Heiðar Davíð BragasonGKj.1Ólöf María JónsdóttirGK4
2006Birgir Leifur HafþórssonGKG5Nína Björk GeirsdóttirGKj.1
2007Birgir Leifur HafþórssonGKG6Nína Björk GeirsdóttirGKj.2
2008Hlynur Geir HjartarsonGOS1Ólöf María JónsdóttirGK5
2009Ólafur Björn LoftssonNK1Valdís Þóra JónsdóttirGL1
2010Birgir Leifur HafþórssonGKG7Tinna JóhannsdóttirGK1
2011Ólafur Björn LoftssonNK1Ólafía Þórunn KristinsdóttirGR1
2012Haraldur Franklín MagnúsGR1ÓIafía Þórunn KristinsdóttirGR2
2013Birgir Leifur HafþórssonGKG8Sunna VíðisdóttirGR1
2014Birgir Leifur HafþórssonGKG9Ólafía Þórunn KristinsdóttirGR3
2015Birgir Leifur HafþórssonGKG10Ólafía Þórunn KristinsdóttirGR4
2016Birgir Leifur HafþórssonGKG11Ólafía Þórunn KristinsdóttirGR5
2017Axel BóassonGK1Ólafía Þórunn KristinsdóttirGR6
2018Haraldur Franklín MagnúsGR2Valdís Þóra JónsdóttirGL2
2019Guðmundur Ágúst KristjánssonGR1Valdís Þóra JónsdóttirGL3
2020Guðmundur Ágúst KristjánssonGR2Guðrún Brá BjörgvinsdóttirGK1
2021Haraldur Franklín Magnús GR3Guðrún Brá BjörgvinsdóttirGK2

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ