Samstarfsaðilar
Björgvin Sigurbergsson og Guðrún Brá Björgvinsdóttir á vellinum í Sádí-Arabíu. Mynd/Tristan Jones.

Guðrún Brá Björgvinsdóttir, Íslandsmeistari í golfi, hóf leik í dag á móti á LET Evrópumótaröðinni sem fram fer í Sádí-Arabíu. Þetta er annað mótið í röð sem fram fer í Sádí-Arabíu en leikið er á Royal Greens vellinum.

Keppnisfyrirkomulagið á mótinu sem hófst í dag er með öðru sniði en venjulega. Þrír atvinnukylfingar og einn áhugakylfingur leika saman í liði. Tvö bestu nettó skorin telja hjá hverju liði á hverri holu. Alls eru 36 lið sem keppa í liðakeppninni. Samhliða fer fram einstaklingskeppni hjá atvinnukylfingunum.

Guðrún Brá er í liði sem heitir Team Lampert (Saudi Golf Fed3) en Guðrún Brá er með tveimur þýskum leikmönnum í liði auk keppenda frá Golfsambandi Sádí-Arabíu.

Skorið í einstaklingskeppninni er uppfært hér:

Skorið í mótinu er uppfært hér:

Team Lampert lék á 12 höggum undir pari og er liðið í 6. sæti þegar þetta er skrifað.

Guðrún Brá lék mjög vel í dag eða á þremur höggum undir pari, eða 69 höggum. Hún er sem stendur í öðru sæti en margir keppendur eiga eftir að ljúka leik í dag.

„Þetta er spennandi fyrirkomulag og ég hlakkaði til að spila völlinn aftur eftir fyrra mótið. Við fórum snemma út í morgun eða rétt um kl. 7 að morgni. Vindurinn blés því ekki mikið á fyrstu holunum en það var töluverður vindur á seinni 9 holunum líkt,“ sagði Guðrún Brá við golf.is í morgun.

Fésbókarsíða Guðrúnar.

LET Evrópumótaröðin er sterkasta atvinnumótaröð Evrópu í kvennaflokki. Guðrún Brá tryggði sér keppnisrétt á LET Evrópumótaröðinni fyrir ári síðan en hún er fjórða konan frá Íslandi sem keppir á sterkustu atvinnumótaröð Evrópu. Ólöf María Jónsdóttir var sú fyrsta, Ólafía Þórunn Kristinsdóttir koma þar næst og Valdís Þóra Jónsdóttir var sú þriðja. Valdís Þóra er með keppnisrétt á þessum mótum en hún getur ekki tekið þátt vegna meiðsla.

Á þessu tímabili hefur Guðrún Brá leikið á sex mótum á LET Evrópumótaröðinni og þremur mótum á LET Access mótaröðinni sem er sú næst sterkasta hjá atvinnukonum í golfi í Evrópu. Besti árangur Guðrúnar á LET Evrópumótaröðinni er 57. sæti á móti sem fram fór í Tékklandi. Hún er í sæti nr. 135 á stigalista LET Evrópumótaraðarinnar.

16/11/2020. Ladies European Tour 2020. The Saudi Ladies Team International (Team). Royal Greens Golf & Country Club, Saudi Arabia. November 12-15 2020. The Golf Saudi sign at sunset. Credit: Tristan Jones.

Deildu:

Auglýsing