GSÍ fjölskyldan
Guðrún Brá Björgvinsdóttir. Mynd Tristan Jones/LET
Auglýsing

Guðrún Brá Björgvinsdóttir, atvinnukylfingur úr Keili Hafnarfirði, hóf leik í dag á LET Evrópumótaröðinni í Sádí-Arabíu en þetta er annað mótið í röð sem fram fer á þessum keppnisstað.

Fyrra mótið fór fram í síðustu viku á Royal Greens Golf & Country Club – og var Guðrún Brá einu höggi frá því að komast í gegnum niðurskurðinn.

Guðrún Brá lék fyrsta hringinn á -2 í dag og er hún á meðal 30 efstu þegar þetta er skrifað. Guðrún Brá lék á 70 höggum. Olivia Cowan frá Englandi og Georgia Hall frá Englandi eru efstar á -7 eftir fyrsta hringinn.

Samhliða einstaklingskeppninni fer fram liðakeppni. Þar eru fjórir leikmenn saman í liði og telja tvö bestu skorin á hverri holu í liðakeppninni. Guðrún Brá er í Team Weaver en liðið er í toppbaráttunni eftir fyrsta keppnisdaginn á -17 samtals.

Nánar um einstaklingsmótið hér, staða og úrslit:

Nánar um liðakeppnina hér, staða og úrslit:

Mótið sem fer fram í þessari viku er 15. mótið hjá Guðrúnu Brá á þessu tímabili á sterkustu atvinnumótaröð Evrópu í kvennaflokki.

Hún er í 82. sæti á stigalista LET Evrópumótaraðarinnar fyrir þetta mót. Besti árangur hennar á tímabilinu er 12. sæti.

Til samanburðar þá endaði Guðrún Brá í 127. sæti á stigalista LET Evrópumótaraðarinnar í fyrra.

Guðrún Brá Björgvinsdóttir á golfvellinum í Sádí Arabíu. Mynd/Tristan Jones.

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ