GSÍ fjölskyldan
Guðrún Brá Björgvinsdóttir, GK. Mynd/ Tristan Jones.
Auglýsing

Guðrún Brá Björgvinsdóttir, GK, hóf leik í dag á Estrella Damm mótinu sem fram fer í Katalóníu á Spáni.

Keiliskonan lék fyrsta hringinn á höggi undir pari vallar eða 71 högg og er hún þessa stundina á meðal 10 efstu keppenda.

Mótið er hluti af LET Evrópumótaröðinni, sem er í hæsta styrkleikaflokki atvinnumótaraða í kvennaflokki í Evrópu.

Leiknar verða 54 holur á þremur keppnisdögum og lýkur mótinu á sunnudaginn.

Smelltu hér fyrir rástíma, stöðu og úrslit:

Guðrún Brá lék fyrri 9 holurnar á 2 höggum undir pari vallar eða 35 höggum. Á síðari 9 holunum lék hún á 36 höggum eða +1. Hún fékk alls þrjár fugla (-1) og tvo skolla (+1) á hringnum.

Guðrún Brá er þessa stundina í 78. sæti á stigalista LET Evrópumótaraðarinnar. Mótið á Spáni er 13. mótið á þessu tímabili hjá Guðrúnu.

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ