Fjórir keppendur í 5. deild karla á Íslandsmóti golfklúbba fóru holu í höggi á Silfurnesvelli á Höfn í Hornafirði um s.l. helgi.
Heimamaðurinn Halldór Birgisson sló fyrsta draumahöggið á 5. holu í viðureign sinni gegn Heimi Þór Ásgeirssyni, úr Golfklúbbnum Vestarr frá Grundarfirði. Heimir Þór gerði sér lítið fyrir og fór einnig holu í höggi í þessari viðureign gegn Halldóri. Heimir Þór sló draumahöggið á 2. braut Silfurnesvallar, sem var sú 11. í viðureigninni. Þessi tvö högg slóu þeir á fyrsta keppnisdegi.
Kristbjörn Arngrímsson, úr Golfklúbbnum Hamri Dalvík, var sá þriðji sem fór holu í höggi í þessu móti og sló hann draumahöggið á 2. braut á öðrum keppnisdegi mótsins, föstudeginum.
Ásgeir Ragnarsson, úr Golfklúbbnu Vestarr, var í sama ráshóp og Kristbjörn á lokahringnum. Ásgeir sló draumahöggið á 8. braut sem var sú 17. og tryggði þar með Vestarr sigurinn í viðureigninn með þessu höggi. Þess má geta að Ásgeir og Heimir Þór eru feðgar.
![298529697_1989057521305280_2663087127116874364_n - Golfsamband Íslands](https://www.golf.is/wp-content/uploads/2022/08/298529697_1989057521305280_2663087127116874364_n-886x1024.jpg)
![299075965_1989090211302011_3952767444097833353_n - Golfsamband Íslands](https://www.golf.is/wp-content/uploads/2022/08/299075965_1989090211302011_3952767444097833353_n-809x1024.jpg)
![299297370_1990473394497026_8624564200797397735_n - Golfsamband Íslands](https://www.golf.is/wp-content/uploads/2022/08/299297370_1990473394497026_8624564200797397735_n-758x1024.jpg)
![299474210_1990563047821394_9035563174604517014_n - Golfsamband Íslands](https://www.golf.is/wp-content/uploads/2022/08/299474210_1990563047821394_9035563174604517014_n.jpg)