Dagbjartur Sigurbrandsson, Jóhann Frank Halldórsson og Guðrún Brá Björgvinsdóttir léku öll í alþjóðlegum atvinnumótum í vikunni.
Dagbjartur og Jóhann Frank, báðir úr Golfklúbbi Reykjavíkur, voru á meðal keppenda á Big Green Egg Blekinge Open mótinu á Nordic Golf League mótaröðinni. Leikið var á Trummenäs GK í Blekinge, Svíþjóð.
Jóhann lék hringi sína á 75-82 höggum og lauk leik á fimmtán höggum yfir pari í heildina.
Dagbjartur endaði höggi frá niðurskurðarlínunni, en hann lék hringina tvo á 72-69, og lauk leik á einu höggi undir pari. Dagbjartur endaði jafn í 49. sæti mótsins, en 48 kylfingar náðu í gegnum niðurskurð.
Guðrún Brá var á meðal keppenda þegar LET mótaröðin heimsótti Máritíus í fyrsta skiptið.
MCB Ladies Classic mótið fór fram dagana 1.-3. maí og lauk í dag, en Íslandsmeistarinn náði ekki í gegnum niðurskurð mótsins.
Guðrún lék fyrri hring sinn á 77 höggum, fimm yfir pari, og þann seinni á 76 höggum. Hún lauk leik á níu höggum yfir pari, jöfn í 110. sætinu.
