Axel Bóasson endaði í 9.-12. sæti á öðru mótinu af alls fjórum í úrslitakeppni Nordic Tour atvinnumótaraðarinnar. Axel, sem er úr Keili, lék á -10 samtals á GolfUppsala mótinu sem fram fer í Svíþjóð.
Hann lék fyrstu tvo hringina á 70-68 höggum og lokahringinn á 71 högg. Íslandsmeistarinnr var fimm höggum frá efsta sætinu. Axel hefur nú þegar tryggt sér eitt af fimm efstu sætunum á stigalistanum og er því öruggur með keppnisrétt á Áskorendamótaröðinni á næsta tímabili.
GR-ingarnir Haraldur Franklín Magnús og Guðmundur Ágúst Kristjánsson komust ekki í gegnum niðurskurðinn eftir tvo fyrstu hringina. Haraldur er í harðri baráttu um eitt af fimm efstu sætunu en hann var í sjötta sæti fyrir þetta mót.
![- Golfsamband Íslands](https://www.golf.is/wp-content/uploads/2020/04/IMG_9177-1024x682.jpg)
![- Golfsamband Íslands](https://www.golf.is/wp-content/uploads/2020/04/guðmundurIMG_7681-copy-1024x731.jpg)