Arnold Palmer, einn allra þekktasti og áhrifaríkasti kylfingur allra tíma, er látinn. Bandaríkjamaðurinn var 87 ára gamall en hann hafði glímt við hjartasjúkdóm. Palmer var einn sigursælasti kylfingur allra tíma en hann sigraði á yfir 90 atvinnumótum og þar af á sjö risamótum.

Palmer var einn merkasti sendiherra golfíþróttarinnar. Áhugi almennings á golfíþróttinni jókst mikið þegar hann kom fram á sjónarsviðið sem atvinnukylfingur árið 1955. Áhrifa Palmers gætir víða og margir af þekktustu atvinnukylfingum síðari tíma hafa sent Palmerfjölskyldunni samúðarkveðju.

Þar á meðal Jack Nicklaus sem var helsti keppinautur Palmers á árum áður.

„Arnold breytti golfíþróttinni, hann var miklu meira en frábær kylfingur. Hann var kyndilberi, goðsögn og frumherji golfsins. Hann lyfti golfíþróttinni á hærri stall án aðstoðar. Hann varð til þess að golfíþróttin fékk milljónir af nýju aðdáendum. Hann var kóngurinn í golfinu og þannig verður það ávallt,“ skrifar Nicklaus m.a. í fésbókarfærslu en Nicklaus og Palmer voru perluvinir.

Palmer sigraði á sínu fyrsta atvinnumóti árið 1955 en hann sigraði á sjö risamótum á ferlinum. Hann var sigursæll á Mastersmótinu á Augusta þar sem hann sigraði fjórum sinnum. PGA meistaramótið var eina risamótið sem hann náði ekki að vinna.

Mastermótið: 1958, 1960, 1962, 1964.
Opna bandaríska meistaramótið: 1960.
Opna breska meistaramótið: 1961, 1962.

Palmer lék sex sinnum með bandaríska Ryderliðinu, 1961, 1963, 1965, 1967, 1971, og 1973. Árið 1963 var hann bæði leikmaður og fyrirliði en það var í síðasta sinn sem sá háttur var hafður á. Hann var fyrirliði árið 1975. Á 19 ára tímabili (1955-1973) sigraði Palmer á 62 atvinnumótum á PGA mótaröðinni og er hann fimmti sigursælasti kylfingur allra tíma á PGA mótaröðinni.

Remembering the special times I spent with Mr Palmer at Bay Hill. A true pioneer for our sport. Forever remembered. pic.twitter.com/qJQBpDWTWv

— Rory McIlroy (@McIlroyRory) September 26, 2016

Thanks Arnold for your friendship, counsel and a lot of laughs. Your philanthropy and humility are part of your legend.

— Tiger Woods (@TigerWoods) September 26, 2016

(2/2) It’s hard to imagine golf without you or anyone more important to the game than the King.

— Tiger Woods (@TigerWoods) September 26, 2016

So sad to hear Mr. Palmer has passed away. He touched us all and was an incredible role model. The KING.

— Jason Day (@JDayGolf) September 26, 2016

Thank you, Arnie. #TheKing pic.twitter.com/KrZEj5SlXN

— The Open (@TheOpen) September 26, 2016