Skráningu í Íslandsmótið í golfi 2021 lauk s.l. þriðjudag eða 27. júlí. Mjög mikill áhugi var hjá kylfingum en alls eru 150 keppendur skráðir til leiks.

Konurnar eru 34 og karlarnir 116. Þriðja árið í röð er hámarksfjölda mótsins náð eða 150 keppendur.

Þetta er í sjötta sinn frá árinu 2001 þar sem að keppendafjöldinn fer yfir 150 keppendur.

Alls eru 34 konur skráðar til leiks og er það fjórða árið í röð þar sem að 30 eða fleiri konur mæta til leiks á Íslandsmótið í golfi.

Keppendur koma frá 22 klúbbum víðsvegar af landinu og einn keppandi er í norskum golfklúbb. Sex golfklúbbar eru með keppendur í karla – og kvennaflokki.

Flestir keppendur eru úr Golfklúbbi Reykjavíkur eða 34 alls og Golfklúbbur Kópavogs og Garðabæjar er með 27 keppendur og Golfklúbbur Mosfellsbæjar er með 25 keppendur.

Nánar hér:

Keppendur á Íslandsmótinu í golfi 2021

Fjöldi keppenda á Íslandsmótinu í golfi 2001-2021