Íslandsmót golfklúbba 2026 í 2. deild karla 50 ára og eldri fór fram á Kirkjubólsvelli Golfklúbbs Sandgerðis dagana 20.-22. ágúst. Átta lið tóku þátt í mótinu.
Golfklúbburinn Keilir stóð uppi sem sigurvegari eftir 3-2 sigur gegn Golfklúbbi Vestmannaeyja í úrslitaleiknum. Með sigrinum tryggði Keilir sér sæti í 1. deild karla 50+ að ári.
Vestmannaeyingar unnu fjórmenningsleikinn þegar Gunnar Berg Viktorsson og Óskar Haraldsson höfðu betur gegn Magnúsi Birgissyni og Hafþóri Hafliðasyni, 1/0.
Keilismenn svöruðu hins vegar með sigrum í þremur af fjórum tvímenningsleikjum. Gunnar Þór Halldórsson vann Birkir Ívar Guðmundsson, 3/2, Ásgeir Jón Guðbjartsson vann Rúnar Þór Karlsson, 5/4, og Björgvin Sigurbergsson vann Hjörleif Þórðarson, 7/6. Einar Gunnarsson tryggði Vestmannaeyingum annað stig sitt með 4/3 sigri gegn Halldóri Ásgrími Ingólfssyni.
Nesklúbburinn varð í þriðja sæti eftir 3-2 sigur gegn Golfklúbbi Öndverðarness.
Lokastaðan í 2. deild karla 50+
- Golfklúbburinn Keilir
- Golfklúbbur Vestmannaeyja
- Nesklúbburinn
- Golfklúbbur Öndverðarness
- Golfklúbbur Sandgerðis
- Golfklúbbur Selfoss
- Golfklúbbur Mosfellsbæjar
- Golfklúbburinn Oddur
*Golfklúbburinn Oddur fellur í 3. deild.
Smelltu hér fyrir rástíma, stöðu og úrslit í 2. deild karla 50+.
