Íslandsmót unglinga 2026 í holukeppni fór fram á Selfossi dagana 23.-25. júlí.
Í flokki 17-18 ára var ekki leikinn höggleikur áður en útsláttarkeppnin hófst. Keppendum var þess í stað raðað í sæti eftir stöðu þeirra á stigalista mótaraðarinnar í sumar. Sextán kylfingar hófu leik í útsláttarkeppninni.
Til úrslita léku Pamela Ósk Hjaltadóttir og Björk Hannesdóttir. Pamela Ósk vann úrslitaleikinn 6/4, og tryggði sér þar með Íslandsmeistaratitilinn í holukeppni 2026.
Pamela Ósk var sjöunda í röðuninni. Hún vann Dagbjörtu Sísí Einarsdóttur 3/2 í 16 manna úrslitum og Ásdísi Rafnar Steingrímsdóttur 1/0 í átta manna úrslitum. Í undanúrslitum mætti hún Lilju Maren Jónsdóttur og vann annan jafnan leik, 1/0.
Björk var fimmta í röðuninni. Hún vann Ernu Steinu Eysteinsdóttur 2/1 í fyrstu umferð og Emblu Hrönn Hallsdóttur 1/0 í átta manna úrslitum. Undanúrslitaleikur Bjarkar og Bryndísar Evu Ágústsdóttur var afar jafn og réðust úrslitin ekki fyrr en á 16. holu, þar sem Björk tryggði sér sæti í úrslitaleiknum.
Bryndís Eva varð í þriðja sæti eftir sigur gegn Lilju Maren á 15. holu í leiknum um bronsið.
Verðlaunasæti:
- Pamela Ósk Hjaltadóttir
- Björk Hannesdóttir
- Bryndís Eva Ágústsdóttir
Hér má sjá úrslit allra leikja
