Ragnhildur Kristinsdóttir úr GR hefur tryggt sér sæti í A-landsliði kvenna sem tekur þátt á Evrópumeistaramóti áhugamanna hér á landi í júlí. Ragnhildur lék best allra á úrtökumóti sem fram fór á dögunum. Á mótinu voru leiknar 36 holur á einum keppnisdegi og síðan 18 holur á tveimur dögum.
EM kvenna fer fram á Urriðavelli hjá Golfklúbbnum Oddi dagana 4.-9. júlí en þar mæta til leiks 20 þjóðir með alla bestu áhugakylfinga Evrópu í kvennaflokki.
Úlfar Jónsson landsliðsþjálfari mun síðan tilkynna valið á landsliðinu eftir að KPMG-bikarnum, Íslandsmótinu í holukeppni, lýkur á mánudaginn. Guðrún Brá Björgvinsdóttir úr Keili hefur einnig verið valin í liðið en hún er hæst á heimslista áhugamanna af íslenskum kvenkylfingum.
Guðrún Brá varð í öðru sæti á úrtökumótinu eða þremur höggum á eftir Ragnhildi.
Úrslitin úr mótinu má sjá hér fyrir neðan.
