Ragnhildur Kristinsdóttir, GR, er úr leik á úrtökumóti fyrir LPGA atvinnumótaröðina í Bandaríkjunum. Alls hófu 311 keppendur leik á 1. stigi úrtökumótsins og komast 100 efstu áfram á 2. stigið. Keppnin fer fram á þremur völlum á Rancho Mirage golfsvæðinu í Kaliforníu.
Alls eru þrjú stig á úrtökumótunum fyrir LPGA. Eftir þriðja keppnisdag, 54 holur, var niðurskurður og var Ragnhildur fimm höggum frá því að komast í gegnum niðurskurðinn. Hún lék hringina þrjá á 224 höggum (72-76-76) (+8)
Smelltu hér fyrir rástíma, skor og úrslit.
![Screen-Shot-2022-08-21-at-10.23.55-AM - Golfsamband Íslands](https://www.golf.is/wp-content/uploads/2022/08/Screen-Shot-2022-08-21-at-10.23.55-AM-1024x717.png)
Nánari upplýsingar um úrtökumót LPGA.
Smelltu hér fyrir rástíma, skor og úrslit.
Þetta er í fyrsta sinn sem Ragnhildur tekur þátt á úrtökumótinu. Hún hefur á undanförnum árum stundað nám í Kentucky í Bandaríkjunum – samhliða því að keppa í golfi með skólaliðinu.
Ólafía Þórunn Kristinsdóttir, GR, náði frábærunum árangri í nóvember árið 2016 þegar hún komst í gegnum öll þrjú stig úrtökumótsins fyrir LPGA – og tryggði sér keppnisrétt á sterkustu atvinnumótaröð veraldar í kvennaflokki.
![0H5A0046-1 - Golfsamband Íslands](https://www.golf.is/wp-content/uploads/2022/08/0H5A0046-1-1024x682.jpg)
![0H5A9279 - Golfsamband Íslands](https://www.golf.is/wp-content/uploads/2022/08/0H5A9279-1024x682.jpg)