„Ég er í skýjunum yfir fyrstu landsliðsæfingabúðir vetrarins þar sem ég fann fyrir miklum krafti, áhuga og einbeitingu landsliðskylfinga,“ segir Ólafur Björn Loftsson, afreksstjóri Golfsambands Íslands, sem valdi á dögunum 39 leikmenn í landsliðshóp GSÍ.
Hópurinn hittist um s.l. helgi og hófst dagskráin á föstudaginn með kynningu á starfseminni í bland við fræðslu um ýmislegt sem tengist afreksgolfi. Á laugardaginn fór hópurinn í líkamsþjálfun hjá Baldri Gunnbjörnssyni sjúkraþjálfara og æfði í Kórnum, þar sem að GKG er með æfingaaðstöðu.
Atvinnukylfingarnir Ólafía Þórunn Kristinsdóttir, Haraldur Franklín Magnús og Axel Bóasson hittu hópinn sunnudagsmorgun og deildu þau reynslu sinni af atvinnumennsku í golfi og svöruðu spurningum landsliðskylfinga. Að því loknu fór fram æfing í Hraunkoti, æfingaaðstöðu Keilis í Hafnarfirði.
Landsliðshópurinn mun hittast alls sjö sinnum í vetur þar sem að lögð verður áhersla á fjölbreytta fræðslu og keppnislíkar æfingar.
Stærstu landsliðsverkefni næsta sumar eru Evrópumót liða í júlí og Heimsmeistaramót karla og kvenna í Frakklandi í ágúst þar sem keppt er á Le Golf National vellinum sem hélt Ryder Cup 2018.
Ólafur Björn bætir því við að síðustu mánuðir hafi verið nýttir til þess að móta afreksstarfið í samvinnu við starfsfólk og afreksnefnd GSÍ, þjálfara, afrekskylfinga og fleiri aðila. Þar á meðal var ný upplýsingasíða landsliðsins mótuð og sett í loftið. Á síðunni má finna allar helstu upplýsingar um starfsemi landsliðsins. Nánar hér.
„Eitt af markmiðum okkar er að skapa skemmtilegt, hvetjandi og lærdómsríkt umhverfi þar sem afrekskylfingar geta blómstrað bæði innan vallar sem utan. Áhersla er að byggja sterka og trausta liðsheild og njóta samlegðaráhrifa á hinum ýmsu sviðum. Ég vil leggja áherslu að miðla betur þeirri fjölbreyttri og viðamikilli þekkingu sem býr í okkar hreyfingu. Ég vil þakka Ólafíu, Haraldi og Axel kærlega fyrir að gefa landsliðskylfingum áhugarverða innsýn inn í heim atvinnukylfingsins og deila skemmtilegum reynslusögum. Jafnframt vil ég þakka Baldri fyrir metnaðarfulla vinnu með kylfingunum og GKG og GK fyrir að taka vel á móti okkur um helgina. Góður stuðningur og samvinna skiptir gífurlega miklu máli fyrir okkar fremstu kylfinga,“ segir Ólafur Björn Loftsson afreksstjóri GSÍ.
Nánar á nýrri upplýsingasíðu um landslið GSÍ.
Landsliðshópur Íslands er þannig skipaður.
| Nafn | Klúbbur | Fæðingarár |
| Aron Snær Júlíusson | GKG | 1996 |
| Birgir Björn Magnússon | GK | 1997 |
| Gísli Sveinbergsson | GK | 1997 |
| Hákon Örn Magnússon | GR | 1998 |
| Hlynur Bergsson | GKG | 1998 |
| Jóhannes Guðmundsson | GR | 1998 |
| Daníel Ísak Steinarsson | GK | 2000 |
| Sverrir Haraldsson | GM | 2000 |
| Aron Emil Gunnarsson | GOS | 2001 |
| Kristófer Karl Karlsson | GM | 2001 |
| Sigurður Bjarki Blumenstein | GR | 2001 |
| Dagbjartur Sigurbrandsson | GR | 2002 |
| Lárus Ingi Antonsson | GA | 2002 |
| Tómas Eiríksson Hjaltested | GR | 2002 |
| Böðvar Bragi Pálsson | GR | 2003 |
| Bjarni Þór Lúðvíksson | GR | 2004 |
| Gunnlaugur Árni Sveinsson | GKG | 2005 |
| Elías Ágúst Andrason | GR | 2006 |
| Skúli Gunnar Ágústsson | GA | 2006 |
| Veigar Heiðarsson | GA | 2006 |
| Guðjón Frans Halldórsson | GKG | 2007 |
| Hjalti Jóhannsson | GK | 2007 |
| Markús Marelsson | GK | 2007 |
| Nafn | Klúbbur | Fæðingarár |
| Ragnhildur Kristinsdóttir | GR | 1997 |
| Andrea Bergsdóttir | GKG | 2000 |
| Heiðrún Anna Hlynsdóttir | GOS | 2000 |
| Andrea Ýr Ásmundsdóttir | GA | 2002 |
| Hulda Clara Gestsdóttir | GKG | 2002 |
| Jóhanna Lea Lúðvíksdóttir | GR | 2002 |
| Katrín Sól Davíðsdóttir | GM | 2004 |
| María Eir Guðjónsdóttir | GM | 2004 |
| Nína Margrét Valtýsdóttir | GR | 2004 |
| Berglind Erla Baldursdóttir | GM | 2005 |
| Sara Kristinsdóttir | GM | 2005 |
| Helga Signý Pálsdóttir | GR | 2006 |
| Perla Sól Sigurbrandsdóttir | GR | 2006 |
| Eva Kristinsdóttir | GM | 2007 |
| Fjóla Margrét Viðarsdóttir | GS | 2007 |
| Pamela Ósk Hjaltadóttir | GM | 2008 |