Íslandsmót golfklúbba í 1. deild karla fór fram á Jaðarsvelli á Akureyri dagana 27.-29. júlí 2023.
Golfklúbbur Mosfellsbæjar fagnaði sigri eftir 3-2 sigur gegn Golfklúbbi Akureyrar í úrslitaleiknum. Þetta er í fjórða sinn sem GM fagnar þessum titli en klúbburinn vann síðast árið 2015 eða fyrir átta árum. 

Í leiknum um þriðja sætið sigraði Golfklúbbur Reykjavíkur í viðureign gegn Golfklúbbi Kópavogs og Garðabæjar. 

GM hafði betur gegn GKG í undanúrslitum 3,5-1,5. GA og GR mættust í hinum undanúrslitaleiknum. Þar réðust úrslitin í þremur leikjum af alls fimm eftir bráðabana – og tryggði Tumi Hrafn Kúld, GA, sigurinn í lokaviðureigninni á 25. holu. 

Í þessari frétt er að finna upplýsingar um rástíma, stöðu og úrslit. Staðan í leikjum verður uppfærð reglulega í umferðum á ca. 6 holu fresti. Smelltu hér til að nálgast stöðu leikja og allar umferðir í einu skjali.

Alls kepptu átta lið um Íslandsmeistaratitil golfklúbba 2023. Liðunum var skipt í tvo fjögurra liða riðla.

Hvert lið lék þrjá leiki í riðlakeppninni. Í hverri viðureign voru leiknir tveir fjórmenningsleikir og þrír tvímenningsleikir.

Tvö efstu liðin úr hvorum riðli komust í undanúrslit.

A-riðill lokastaða:
GKG, GA, GK, GOS.

GKG lék í undanúrslitum gegn GM, þar sem að GM hafði betur 3,5-1,5.

B-riðill lokastaða:
GR, GM, GS, GV.

GR og GA léku í undanúrslitum. Úrslitin réðust eftir bráðabana í þremur leikjum af alls fimm.  

Neðsta liðið í 1. deild karla fellur í 2. deild.

Smelltu hér fyrir myndasafn frá mótinu: 

Golfklúbbur Kópavogs og Garðabæjar hafði titil að verja í karlaflokk í efstu deild. 

Fyrst var leikið á Íslandsmóti golfklúbba í karlaflokki árið 1961. Frá þeim tíma hafa 6 klúbbar fagnað þessum titli.

Golfklúbbur Reykjavíkur hefur sigrað oftast eða 25 sinnum, þar á eftir kemur Golfklúbburinn Keilir með 15 titla, Golfklúbbur Akureyrar er með 8 titla, Golfklúbbur Kópavogs og Garðabæjar er með 8, Golfklúbbur Suðurnesja 3, og Golfklúbbur Mosfellsbæjar er með 4 titla, þar af 2 þegar klúbburinn var Golfklúbburinn Kjölur.