Íslandsmót eldri kylfinga 2021 fer fram í Vestmannaeyjum dagana 15.-17. júlí. Mótið fer fram á Vestmannaeyjum en Golfsamband Íslands er framkvæmdaraðili mótsins.

Í þessari frétt verða allar helstu upplýsingar að finna – fréttin verður uppfærð reglulega og upplýsingum bætt við á meðan mótinu stendur.

Leiknar verða 54 holur eða þrír 18 holu hringir á þremur keppnisdögum. Keppnisfyrirkomulagið er höggleikur án forgjafar.

Alls eru 150 keppendur skráðir til leiks en mikil aðsókn var í mótið og biðlisti í karlaflokki.

Alls eru 91 karl sem taka þátt og 59 konur.

Til samanburðar þá voru 133 keppendur sem tóku þátt árið 2020 á Hamarsvelli í Borgarnesi, 93 karlar og 40 konur. Íslandsmót eldri kylfinga fór fram í Vestmannaeyjum fyrir tveimur árum eða árið 2019 og þá mættu alls 128 keppendur til leiks, 86 karlar og 42 konur.

Smelltu hér fyrir rástíma, skor og úrslit á Íslandsmóti eldri kylfinga 2021.

Myndsafn frá Íslandsmóti eldri kylfinga 2021 er hér:

• Í kvennaflokki +50 ára eru 50 keppendur og er leikið af rauðum teigum í þeim flokki.
• Í karlaflokki +50 ára eru 73 keppendur og er leikið af gulum teigum í þeim flokki.
• Í kvennaflokki +65 ára eru 9 keppendur og er leikið af rauðum teigum í þeim flokki.
• Í karlaflokki +65 ára eru 36 keppendur og er leikið af gulum teigum í þeim flokki.

Keppendur koma frá 23 golfklúbbum víðsvegar af landinu. Flestir eru úr Golfklúbbi Reykjavíkur eða 44 alls og Keilir er með 34 keppendur, 17 konur og 17 karla.