GR-ingarnir Andri Þór Björnsson, Guðmundur Ágúst Kristjánsson og Haraldur Franklín Magnús verða allir á meðal keppenda á atvinnumóti sem fram fer dagana 3.-6. september.
Mótið fer fram á Galgorm Spa & Golf Resort á Norður-Írlandi skammt frá höfuðborginni Belfast.
Mótið er hluti af Áskorendamótaröðinni, Challenge Tour, sem er næst sterkasta atvinnumótaröð Evrópu.
2. keppnisdagur:
Guðmundur Ágúst Kristjánsson er í toppbaráttunni þegar mótið er hálfnað. Guðmundur e r á -5 samtals en hann hefur leikið síðari 9 holurnar á vellinum á 9 höggum undir pari. Alls hefur Guðmundur Ágúst fengið 11 fugla.
![Screen-Shot-2020-09-04-at-10.26.53-PM - Golfsamband Íslands](https://www.golf.is/wp-content/uploads/2020/09/Screen-Shot-2020-09-04-at-10.26.53-PM-1024x363.png)
Andri Þór Björnsson, GR, komst í gegnum niðurskurðinn en hann er á +2 í 45. sæti. Andri Þór lék á -1 á öðrum keppnisdeginum þar sem hann fékk m.a. þrjá fugla og einn örn.
![Screen-Shot-2020-09-04-at-10.28.07-PM - Golfsamband Íslands](https://www.golf.is/wp-content/uploads/2020/09/Screen-Shot-2020-09-04-at-10.28.07-PM-1024x361.png)
Haraldur Franklín Magnús, GR, komst einnig í gegnum niðurskurðinn en hann er höggi á eftir Andra Þór. Haraldur Franklín lék á pari vallar í dag þar sem hann fékk tvo fugla.
![Screen-Shot-2020-09-04-at-10.27.40-PM-1 - Golfsamband Íslands](https://www.golf.is/wp-content/uploads/2020/09/Screen-Shot-2020-09-04-at-10.27.40-PM-1-1024x363.png)
1. keppnisdagur:
Guðmundur Ágúst er í 8. sæti eftir 1. hringinn á -2 samtals. Hann lék fyrri 9 holurnar í gær á +3 en fékk fimm fugla á síðari 9 holunum og bætti stöðu sína talsvert.
Andri Þór og Haraldur Franklín eru báðir á +3 samtals og eru þeir í 75. sæti.
![Screen-Shot-2020-09-04-at-8.03.45-AM - Golfsamband Íslands](https://www.golf.is/wp-content/uploads/2020/09/Screen-Shot-2020-09-04-at-8.03.45-AM-1024x355.png)
![Screen-Shot-2020-09-04-at-8.04.22-AM - Golfsamband Íslands](https://www.golf.is/wp-content/uploads/2020/09/Screen-Shot-2020-09-04-at-8.04.22-AM-1024x354.png)
![Screen-Shot-2020-09-04-at-8.04.04-AM-1 - Golfsamband Íslands](https://www.golf.is/wp-content/uploads/2020/09/Screen-Shot-2020-09-04-at-8.04.04-AM-1-1024x352.png)
Guðmundur Ágúst hefur keppt á fimm mótum á þessu tímabili. Besti árangur hans er 57. sæti en hann hefur komist í gegnum niðurskurðinn á þremur mótum.
![Screen-Shot-2020-09-01-at-10.47.16-AM - Golfsamband Íslands](https://www.golf.is/wp-content/uploads/2020/09/Screen-Shot-2020-09-01-at-10.47.16-AM-1024x428.png)
Andri Þór hefur leikið á einu móti á tímabilinu en það mót fór fram um miðjan júlí. Þar endaði Andri Þór í 68. sæti.
Haraldur Franklín hefur leikið á fjórum mótum á tímabilinu og hefur hann komist í gegnum niðurskurðinn á tveimur þeirra.
![Screen-Shot-2020-09-01-at-11.07.26-AM - Golfsamband Íslands](https://www.golf.is/wp-content/uploads/2020/09/Screen-Shot-2020-09-01-at-11.07.26-AM-1024x352.png)