Guðrún Brá Björgvinsdóttir, atvinnukylfingur úr Keili í Hafnarfirði, keppir í þessari viku á Golf du Medoc mótinu sem fram fer á Chateaux vellinum í Frakklandi.
Mótið er hluti af LET Evrópumótaröð kvenna – sem er í efsta styrkleikaflokki atvinnumótaraða í Evrópu.
Guðrún Brá endaði í 47. sæti á svissneska meistaramótinu sem fram fer á Holzhäusern vellinum í Sviss en það mót var einnig hluti af LET Evrópumótaröðinni.
Guðrún Brá lék hringina fjóra á 216 höggum eða pari vallar í Sviss (70-74-72).
Mótið í Sviss í þessari vikur var 14. mótið hjá Guðrúnu Brá á tímabilinu. Besti árangur hennar er 12. sæti á þessu tímabili og sá næstbesti er 13. sæti.
![Screen-Shot-2021-09-13-at-2.35.26-PM - Golfsamband Íslands](https://www.golf.is/wp-content/uploads/2021/09/Screen-Shot-2021-09-13-at-2.35.26-PM-1024x304.png)
Guðrún Brá er í 76. sæti á stigalista LET Evrópumótaraðarinnar. Til samanburðar þá endaði Guðrún Brá í sæti nr. 127 á stigalistanum á sínu fyrsta keppnistímabili á LET Evrópumótaröðinni í fyrra.
Það eru 5 mót eftir á keppnistímabilinu á LET Evrópumótaröðinni.