Bjarki Pétursson, GKB, og Gísli Sveinbergsson, GK, eru báðir úr leik á Evrópumóti einstaklinga sem fram fer í Austurríki.
Um er að ræða Evrópumeistaramót áhugakylfinga en keppt er á Diamond Country Club.
Bjarki lék á +11 samtals (68-81-76).
![- Golfsamband Íslands](https://www.golf.is/wp-content/uploads/2020/04/Screen-Shot-2019-06-28-at-6.34.03-PM-1024x196.png)
Gísli lék á +12 samtals (76-76-74)
![- Golfsamband Íslands](https://www.golf.is/wp-content/uploads/2020/04/Screen-Shot-2019-06-28-at-6.34.12-PM-1024x193.png)
Bestu áhugakylfingar veraldar taka þátt á þessu móti en alls eru 144 keppendur.
Kylfingarnir koma ekki bara frá Evrópu. Bandaríkin, Japan, Ástralía, Suður-Afríka og Nýja-Sjáland eru m.a. með keppendur á þessu móti.
Mótið er því gríðarlega sterkt og allir 144 keppendurnir eru í sætum 288 eða ofar á heimslista áhugakylfinga.
Sigurvegarinn fær boð um að taka þátt á Opna breska meistaramótinu – sem fram fer á Royal Portrush á Norður-Írlandi.
Að loknum 3. hring verður niðurskurður og þá komast 60 efstu áfram á lokahringinn.