Axel Bóasson, GK, er á meðal keppenda á lokamóti tímabilsins á Nordic atvinnumótaröðinni sem fram fer dagana 19.-21. október.
Smelltu hér fyrir rástíma, stöðu og úrslit.
Aðeins 60 stigahæstu kylfingar mótaraðarinnar eru með keppnisrétt á þessu móti sem ber nafnið Sydbank Road to Europe Final og fram fer á Møn í Danmörku.
Stigalisti mótaraðarinnar er hér:
Það er að miklu að keppa á lokamótinu. Fimm efstu á stigalistanum fá keppnisrétt á Áskorendamótaröðinni, Challenge Tour.
Leikmenn í sætum 6.-10. sæti á stigalistanum fá takmarkaðan keppnisrétt á Áskorendamótaröðinni.
Axel hefur leikið á 18 mótum á þessu tímabili og sigraði hann á einu þeirra. Hann er í 14. sæti stigalistans.
