Frá og með 1. janúar 2016 verða kylfingar sem eru 50 ára og eldri gjaldgengir í keppnir eldri kylfinga í mótum hjá EGA, Evrópska golfsambandinu. Þetta kemur fram í fréttatilkynningu frá EGA.
Keppendur þurfa að hafa náð 50 ára aldri á miðnætti á fyrsta keppnisdegi í viðkomandi móti. Þar með er búið að lækka aldurstakmörkin um fimm ár en keppendur þurftu að hafa náð 55 ára aldri áður í mótum eldri kylfinga hjá EGA.
