Íslandsmót unglinga 2026 í holukeppni fór fram á Selfossi dagana 23.-25. júlí.
Í flokki 15-16 ára var ekki leikinn höggleikur áður en útsláttarkeppnin hófst. Keppendum var þess í stað raðað í sæti eftir stöðu þeirra á stigalista mótaraðarinnar í sumar. Sextán kylfingar hófu leik í útsláttarkeppninni.
Til úrslita léku Arnar Freyr Viðarsson og Birgir Steinn Ottósson. Arnar Freyr vann úrslitaleikinn 2/1 og tryggði sér þar með Íslandsmeistaratitilinn í holukeppni 2026.
Arnar Freyr, GA, var áttundi í röðuninni. Hann vann Sebastian Blæ Ómarsson 2/1 í 16 manna úrslitum og mætti síðan Birni Breka Halldórssyni, sem var efstur í röðuninni. Arnar Freyr vann þann leik 4/3. Í undanúrslitum lagði hann Barra Björgvinsson 1/0 og tryggði sér sæti í úrslitaleiknum.
Birgir Steinn var sjötti í röðuninni. Hann vann Matthías Jörva Jensson 2/1 í fyrstu umferð og Ágúst Má Þorvaldsson með sama mun í átta manna úrslitum. Undanúrslitaleikur Birgis Steins og Hjalta Kristjáns Hjaltasonar var afar jafn og réðust úrslitin ekki fyrr en á 15. holu, þar sem Birgir Steinn tryggði sér sigurinn.
Barri varð í þriðja sæti eftir 2/1 sigur gegn Hjalta Kristjáni í leiknum um bronsið.
Verðlaunasæti:
- Arnar Freyr Viðarsson
- Birgir Steinn Ottósson
- Barri Björgvinsson
Hér má sjá úrslit allra leikja
