Íslandsmót golfklúbba 18 ára og yngri fór fram á Strandarvelli á Hellu dagana 25.-27.júní.
Í stúlknaflokki 18 ára og yngri tóku átta lið þátt. Fyrst var leikinn höggleikur og raðað niður í tvo riðla út frá úrslitum hans. Efstu liðin í hvorum riðli, sveitir GM og GKG mættust í úrslitunum.
Golfklúbbur Mosfellsbæjar hafði betur í úrslitunum, 2-1 og er Íslandsmeistari golfklúbba í aldursflokknum. Golfklúbbur Kópavogs og Garðabæjar endaði í öðru sæti og Golfklúbbur Akureyrar í því þriðja.
Sveit GM sigraði alla leiki sína í mótinu og sótti 9.5 innbyrðis sigra af 12 mögulegum. Í sveitinni voru:
- Auður Bergrún Snorradóttir
- Birna Rut Snorradóttir
- Gabríella Neema Stefánsdóttir
- Eva Kristinsdóttir
- Sara María Guðmundsdóttir
- Liðsstjóri: Andri Ágústsson
Lokastöðuna og úrslit einstakra leikja má sjá í hlekknum hér fyrir neðan.
