Íslandsmót golfklúbba í 2. deild karla fór fram á Flúðum dagana 23.-25. júlí.
Átta golfklúbbar kepptu um eitt laust sæti í 1. deild að ári.
Golfklúbbur Bolungarvíkur er á leið upp í efstu deild eftir sigur á Leyni í úrslitum. Golfklúbburinn Setberg hafnaði í þriðja sæti.
Sveit Bolungarvíkur fór ósigruð í gegnum mótið, en bauð upp á nokkra spennandi leiki. Jafnt var í viðureign þeirra gegn Setbergi í 2. umferð mótsins. Þá fóru bæði undanúrslita- og úrslitaleikirnir 3-2, Bolungarvík í vil.
Emil Ragnarson tryggði sigurinn í bráðabana á 19. holunni gegn Tristani Frey Traustasyni. Myndband má sjá hér að neðan.
Atli Már, GSE, fór holu í höggi á 9. holu Selsvallar í bronsleiknum í dag. Magnað afrek!
Lokastaðan í 2. deild karla 2025:
1. Golfklúbbur Bolungarvíkur
2. Golfklúbburinn Leynir
3. Golfklúbbur Setbergs
4. Nesklúbburinn
5. Golfklúbburinn Esja
6. Golfklúbburinn Oddur
7. Golfklúbbur Kiðjabergs
8. Golfklúbbur Fjallabyggðar
